राज्यपाल कोश्यारी यांच्या हस्ते वैद्य देवेंद्र त्रिगुणा, वैद्य राकेश शर्मा यांना आयुर्वेद शिरोमणी सन्मान प्रदान.

नितीन शिंदे मुंबई महानगर प्रतिनिधी

महाराष्ट्र संदेश न्युज ! ऑनलाईन मुंबई:- राज्यपाल भगतसिंह कोश्यारी यांच्या हस्ते आज पद्मभूषण वैद्य देवेंद्र त्रिगुणा, अध्यक्ष राष्ट्रीय आयुर्वेद विद्यापीठ, नवी दिल्ली तसेच प्रो. वैद्य राकेश शर्मा, अध्यक्ष, नितिमत्ता व नोंदणी समिती, भारतीय चिकित्सा पद्धती राष्ट्रीय आयोग यांना आयुर्वेद शिरोमणी सन्मान प्रदान करण्यात आले.

उभय मान्यवरांना आयुर्वेदाच्या उल्लेखनीय सेवेसाठी वैद्य सुरेशचंद्र चतुर्वेदी हेल्थ फाउंडेशनच्या वतीने राजभवन मुंबई येथे सदर पुरस्कार देण्यात आले.

कार्यक्रमाला वैद्य सुरेशचंद्र चतुर्वेदी हेल्थ फाउंडेशनचे विश्वस्त वैद्य महेंद्र चतुर्वेदी, महाराष्ट्र आयुष संचालनालयाचे संचालक डॉ राजेश्वर रेड्डी, अनेक वरिष्ठ आयुर्वेद चिकित्सक, प्राध्यापक, विद्यार्थी व निमंत्रित उपस्थित होते.