राष्ट्रीय मतदार दिनानिमित्त वर्धा येथील यशवंत महाविद्यालयात निबंध स्पर्धाचे आयोजन.

✒️प्रविण जगताप, वर्धा उपजिल्हा प्रतिनिधी
मो .9284981757

महाराष्ट्र संदेश न्युज ! ऑनलाईन वर्धा, दि.19:- भारत निवडणूक आयोगाचा दि. 25 जानेवारी हा स्थापना दिवस देशभर राष्ट्रीय मतदार दिवस म्हणून साजरा केला जातो. या दिवसाचे औचित्य साधत मतदार जनजागृतीसाठी जिल्हाभर विविध कार्यक्रम घेतले जात आहे. त्यानुसार यशवंत महाविद्यालयात विद्यार्थ्यांसाठी निबंध व ऑनलाईन प्रश्न मंजुषा स्पर्धेचे आयोजन करण्यात आले आहे.

महाविद्यालयाच्या सभागृहात झालेल्या या स्पर्धेच्या शुभारंभ प्रसंगी वर्धा जिल्हा निवडणूक उपजिल्हाधिकारी प्रविण महिरे, महाविद्यालयाचे प्राचार्य, प्राध्यापक उपस्थित होते. युवा मतदारांना नोंदणीसाठी प्रोत्साहित करण्यासाठी विविध उपक्रम राबविले जात आहे. नवमतदारांना नाव नोंदणीसाठी प्रोत्साहन देणे, सुलभरित्या त्यांची नोंदणी करून घेणे व त्यासाठी जनजागृती करणे हा या विविध उपक्रमांचा उद्देश आहे.

यशवंत महाविद्यालयात पार पडलेल्या निबंध स्पर्धेत महाविद्यालयातील इयत्ता 11 वी, 12 वी, बीए व एमएचे विद्यार्थी सहभागी झाले होते. निबंध स्पर्धेचा विषय ‘माझे मत माझ्या देशाचे भविष्य’ हा होता. निबंध स्पर्धेत 40 तर ऑनलाईन प्रश्न मंजुषा स्पर्धेत 237 विद्यार्थी सहभागी झाले होते.