बियाणी हत्याकांडातील शूटरला एनआयएने घेतले ताब्यात.

नितीन शिंदे, मुंबई महानगर प्रतिनिधी 9892250402

महाराष्ट्र संदेश न्युज ! ऑनलाईन नांदेड :-जिल्ह्यातील संजय बियाणी हत्याकांडातील शूटरला एनआयएने ताब्यात घेतले असून नांदेड शहरातील बांधकाम व्यावसायिक संजय बियाणी यांची 5 एप्रिल 2022 रोजी घरासमोर गोळ्या घालून हत्या करण्यात आली होती. या हत्येचा मास्टरमाईंड दहशतवादी हरविंदर सिंह रिंदा असून, त्याच्या दोन शार्पशूटरने बियाणी यांच्यावर गोळीबार केला होता. त्यातील फरार असलेला दुसरा मुख्य शूटर दीपक सुरेश रांगा याला राष्ट्रीय तपास यंत्रणेने नेपाळ बॉर्डरवर पकडले आहे. विशेष म्हणजे या आरोपीच्या शोधात नांदेड पोलिसांची पथके अनेक राज्यात जाऊन आली होती.