वर्धा जिल्हात एचडीएफसी बँकेची इमारतीची भिंत तोडून दरोडा टाकण्याचा प्रयत्न.

✒️प्रविण जगताप, वर्धा उपजिल्हा प्रतिनिधी
मो .9284981757

महाराष्ट्र संदेश न्युज ! ऑनलाईन वर्धा:- जिल्हातील आर्वी तालुक्यातून एक खळबळजनक घटना समोर आली आहे. येथील पिंपळखुटा एचडीएफसी बँक शाखेतील इमारतीची भिंत फोडून आतमध्ये शिरलेल्या चोरट्याने तिजोरीतील रोख पळविण्याचा प्रयत्न केला. या घटनेची तक्रार बँक व्यवस्थापकाने खरांगणा पोलिसांकडे नोंदविली आहे.

अमरावती येथील रहिवासी असलेले प्रशांत गिरधर देशमुख हे सदर बँकेचे व्यवस्थापक म्हणून कार्यरत आहे. त्यांनी दिलेला तक्रारीनुसार अज्ञात आरोपीतांनी एचडीएफसी बँक शाखा, पिंपळखुटा येथील इमारतीची मागील भिंत फोडली. बँक कार्यालयाच्या आतील भागात प्रवेश करून बँकेचे तिजोरीतील रोख रक्कम चोरण्याचा प्रयत्न केला, अशी तक्रार खरांगणा पोलिसांकडे नोंदविण्यात आली आहे. पोलिसांनी तक्रार नोंदवीत प्रकरण तपासावर ठेवले आहे.

बँक कार्यालयाची भिंत फोडून चोरीचा प्रयत्न झाल्याची बाब लक्षात आल्यावर गावात एकच खळबळ उडाली आहे. अशी घटना यापूर्वी कधीच घडली नसल्याचे ग्रामस्थांकडून सांगण्यात येते आहे . खरांगणा पोलिसांनी भित फोडणाऱ्या आरोपींचा शोध घ्यावा, अशी मागणी सुरू आहे.