चंद्रपूर येथे भीषण अपघात, दुचाकीच्या धडकेने बस झाली पलटी, दुचाकीस्वारांचा जागीच मृत्यू.

सौ. हानिशा दुधे, बल्लारपूर तालुका प्रतिनिधी

महाराष्ट्र संदेश न्युज ! ऑनलाईन चंद्रपूर:- येथून एक भीषण अपघाताची घटना समोर आली आहे. त्यात दोन व्यक्तीचा मृत्यू झाला आहे.

चारचाकी वाहनाला ओव्हरटेक करत असलेल्या दुचाकीने समोरून येत असलेल्या बसला धडक दिल्याने झालेल्या अपघातात दुचाकीस्वार जागीच दुर्दैवी मृत्यू झाला आहे. हा अपघात इतका भीषण होता की, दुचाकीच्या धडकेत बस पलटी झाली. ही घटना चंद्रपूर जिल्ह्यातील मूल तालुक्यातील उमा नदी जवळील पुलाजवळ घडली.

या अपघातातील मृतांची नावं प्रफुल गुरुनुले वय 27 वर्ष, संदीप कोकोडे वय 31 वर्ष अशी आहेत. या अपघातात बस मधील प्रवासी किरकोळ जखमी झाले आहेत. या अपघाताची माहिती पोलिसाना मिळताच पोलीस ताफासह घटनास्थळी दाखल झाले. त्यांनी जखमींना मूल येथील उपजिल्हा रुग्णालयात उपचारासाठी पाठवण्यात आलं आहे.

★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348