पुणे जिल्हातील पुणे – नाशिक महामार्गावर एक भीषण अपघात 5 महिलांचा मृत्यू, 13 महिला जखमी.

वैशाली गायकवाड उपसंपादक (पुणे)

महाराष्ट्र संदेश न्युज ! ऑनलाईन पुणे:- पुणे – नाशिक महामार्गावर एक भीषण अपघात घडला आहे. खेडजवळ अज्ञात कारने 18 महिलांना धडक दिली आहे. या धडकेत पाच महिलांचा मृत्यू झाला आहे. तर, तीन महिलांवर रुग्णालयात उपचार सुरु आहेत. सोमवारी 13 फेब्रुवारी रात्री 11 वाजताच्या सुमारास हा भीषण अपघात झाला आहे. याप्रकरणी खेड पोलीस अज्ञात कारचा शोध घेत आहेत.

या सर्व एका लग्न कार्यात काम करण्यासाठी 17 ते 18 महिला स्वारगेटहून पीएमपीएमल बसने खेडला गेल्या होत्या. शिरोली फाट्याजवळ या सर्व महिला उतरल्या. पण, अंधारात मार्ग ओलंडताना यातील वयस्कर महिला चाचपडत होत्या. त्याचवेळी पुण्याच्या दिशेने आलेल्या कारने आठ महिलांना धडक दिली.

प्राप्त माहितीनुसार, पुणे – नाशिक महामार्गावर राजगुरुनगर जवळच्या शिरोरी परिसरातील खरपुडी फाट्यावरून या महिला जात होत्या त्यावेळी एक भरधाव गाडी पुण्याच्या बाजूने वेगात येत होती. त्या गाडीने या महिलांना उधवल या अपघातात दोन महिलांचा जागीच मृत्यू झाला तर तीन महिलांचा रुग्णालयात उपचारादरम्यान मृत्यू झाला.

सुनंदा सटवा गजेशी, सुशीला वामन देढे राह. रामटेकडी शांतीनगर, इंदुबाई कोंडीबा कांबळे राह. किरकटवाडी, सिंहगड रोड, सायराबाई प्रभु वाघमारे राह. हडपसर असे मृत्यू झालेल्या महिलांची नावे आहेत. शोभा राहुल गायकवाड, सारीका देवकर, वैषाली धोत्रे, शोभा शिंदे या गंभीर जखमी झाल्या असून त्यांच्यावर रुग्णालयात उपचार सुरु आहेत. अपघातानंतर कार चालक पुन्हा पुण्याच्या दिशेने पसार झाला आहे. खेड पोलीस चालकाचा शोध घेत आहेत.

★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348