अकोला-हैदराबाद महामार्गावर तीन वाहनांचा भीषण अपघात, दोन जण ठार तर आठ जण जखमी.

मंगेश जगताप मुंबई (विक्रोळी) प्रतिनिधी

महाराष्ट्र संदेश न्युज ! ऑनलाईन नांदेड:- जिल्हात एक भीषण अपघात झाल्याची माहिती समोर येत आहे. हा अपघात अकोला – हैदराबाद महामार्गावर नांदेड जवळ असलेल्या दाभड जवळ मध्यरात्रीच्या सुमारास झाला असून या भीषण अपघातात दोन जण ठार तर आठ जण जखमी झाले आहेत. दरम्यान या प्रकरणी कार चालका विरोधात अर्धापूर पोलिस ठाण्यात गुन्हा दाखल करण्यात आला आहे.

या घटनेत कार चालकाचे वाहनावरील नियंत्रण सूटल्याने कार महामार्गावरील दुभाजकावरुन समोरुन येणाऱ्या टेम्पोला धडक दिली. त्यामुळे टेम्पोने दुसऱ्या कारला धडक दिली. या तीन वाहनांच्या झालेल्या अपघातात नांदेड मधील अमित घुगे या तरुणाचा तर रामा प्रल्हाद डोंगरे या सोलापूर जिल्ह्यातील व्यक्तीचा मृत्यू झाला.
या घटनेतील अपघातग्रस्तांना माेठा धक्का बसला आहे. या अपघातात आठ जण गंभीर जखमी झाले आहेत. या जखमींना महामार्ग पोलिसांनी नांदेड येथील जिल्हा शासकीय रुग्णालयात उपचारासाठी दाखल केले आहे.

★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348