दोन महिन्यानंतर खुनाच्या गुन्हयाला फुटली वाचा”, गुन्हे शाखा युनिट-२ कडुन खुनाच्या गुन्हयातील आरोपी जेरबंद

पंकेश जाधव पुणे ब्यूरो चीफ (7020794626)

गुन्हे शाखा युनिट २ पुणे शहर

महाराष्ट्र संदेश न्यूज ऑनलाईन पुणे :- दिनांक ०७/०३/२०२३ रोजी युनिट-2 कडील पोलीस अधिकारी व पोलीस अमलदार युनिट-२ हद्दीमध्ये पेट्रोलींग करीत असताना पोलीस अंमलदार गजानन सोनुने यांना त्यांचे गुप्त बातमीदारामार्फत बातमी मिळाली की. फरासखाना पोलीस अकस्मात मयत क्रं. १३९/२०२२ सीआरपीसी १७४ मधील बेवारस मयत इसमाचा अकस्मात मृत्यु झालेला नसुन त्यास दोन इसमांनी लाथाबुक्याने मारहाण करुन त्याचा खुन केला आहे. त्यास मारहाण करणारे इसम नामे सिध्दार्थ बनसोडे व शशी चारण हे सध्या श्रमिक नगर, मंगळवार पेठ येथे सार्वजनीक रोडवर उभे आहे अशी खात्रीशीर बातमी प्राप्त होताच सदर बातमीचे गांभीर्य लक्षात घेवुन युनिट-२ प्रभारी श्री क्रांतीकुमार पाटील यांनी म. सहा. पोलीस निरीक्षक वैशाली भोसले, पोलीस उप-निरीक्षक नितीन कांबळे, पो.हवा. १४४७ चव्हाण, पो.हवा. २५७२ जाधव, पो.हवा. २४६ तारु, म.पो.हवा. ५९६२ ताम्हाणे, पो.शि.८४०३ गजानन सोनुने व पो.ना. ७४०० राख अशी टिम तयार करुन त्यांना योग्य सुचना व मार्गदर्शन करून, कारवाई करण्याचे आदेश दिल्याने, टिम मधील पोलीस अधिकारी व अंमलदार यांनी दिनांक ०७/०३/२०२३ रोजी २२/०० वाजता इसम नामे १) सिध्दार्थ अनिल बनसोडे वय २२ वर्षे, रा. २२६ मंगळवार पेठ, जुना बाजार पुणे २) शशी सुरेश चारण वय २९ वर्षे, रा. १६८ मंगळवार पेठ, श्रमिक नगर पुणे यांना ताब्यात घेवुन गुन्हे शाखा युनिट-२ येथील कार्यालय येथे घेवून आल्या नंतर त्यांना युनिट-२ प्रभारी तसेच फरासखाना पोलीस स्टेशन येथील पो.निरी. (गुन्हे) श्री. मंगेश जगताप, पो.उप निरी. जयसिंग श्रीमंत दाढे व पो. हवा. २९१३ काकडे सखोल तपास केला असता, त्यांनी दि.२८/१२/२०२२ रोजी ०२:०० बा चे सुमारास ताब्यातील संशयीत आरोपी व त्यांचे मित्र नामे ऋतिक भुपेश मुलताणी व धनवंत सुरेंद्र हस्ते यांचेसह विर गोगादेव चौक त्रिवेणी शांतीमठ मंगळवार पेठ पुणे येथे गप्पा मारत थांबले असतांना मयत अनोळखी इसमाने शिवीगाळ केल्याचे कारणावरुन सिध्दार्थ अनिल बनसोडे व शशी सुरेश चारण यांनी मयत अनोळखी इसमांस लाथाबुक्याने जबर मारहाण करीत त्याचे छातीत लाथ मारल्यामुळे तो जागीच मयत झाल्याचे त्यांना समजल्याने कोणाला काहीएक न सांगता घाबरुन आप-आपले घरी निघुन गेले असे सांगीतले.

सदर हकीकत वरुन फरासखाना पोलीस स्टेशन गु.र.नं. ४९/२०२३ भा.द.वि. कलम ३०४, ३४ अन्वये गुन्हा दाखल करून निष्पन्न आरोपी नामे १) सिध्दार्थ अनिल बनसोडे वय २२ वर्षे, रा. २२६ मंगळवार पेठ, जुना बाजार पुणे २) शशी सुरेश चारण वय २९ वर्षे, रा. १६८ मंगळवार पेठ, श्रमिक नगर पुणे यांना अटक करुन पुढील तपास फरासखाना पोलीस स्टेशन कडील अधिकारी करीत आहेत.

सदरची कामगिरी अप्पर पोलीस आयुक्त, श्री. रामनाथ पोकळे, पोलीस उप-आयुक्त, श्री. अमोल झेंडे, सहा. पो. आयुक्त गुन्हे -१ श्री सुनिल पवार यांचे मार्गदर्शनाखाली व मा. पोलीस निरीक्षक, क्रांतीकुमार पाटील, गुन्हे शाखा युनिट-२ पुणे शहर. म. सहा.पो.नि. वैशाली भोसले, पो.उप-नि. नितीन कांबळे, राजेंद्र पाटोळे, पोलीस अमलदार गजानन सोनुने, विनोद चव्हाण, संजय जाधव, साधना ताम्हाणे, उत्तम तारु, निखील जाधव, कादीर शेख, समिर पटेल, मोहसीन शेख, नागनाथ राख, पुष्पेंद्र चव्हाण, शंकर नेवसे, नामदेव रेणुसे, गणेश थोरात, प्रमोद कोकणे यांनी केली आहे.