लाखांदूर तालुक्यात वीज पडून शेतकऱ्याचा दुर्दैवी मृत्यू, संपूर्ण गावात शोककळा.

विक्की डोके लाखांदूर तालुका प्रतिनिधी

महाराष्ट्र संदेश न्युज ! ऑनलाईन लाखांदूर:- भंडारा जिल्हातील लाखांदूर तालुक्यातून एक दुर्दैवी घटना समोर आली आहे. उन्हाळी धान पीक लागवडीसाठी ठेक्याने केलेल्या शेतजमिनीत रोवणी पूर्व चिखलणीसाठी पाणी करण्यासाठी गेलेल्या एका शेतकऱ्यावर वीज पडल्याने जागीच मृत्यू झाल्याची घटना घडली. ही घटना 19 मार्चच्या संध्याकाळी 6 वाजताच्या दरम्यान खैरणा शेतशीवारात घडली. मात्र तब्बल 3 तास उशिरा रात्री 9 वाजता दरम्यान सदर घटना उघडकीस आली. बाबुराव रामचंद्र मेश्राम वय 45 वर्ष रा. दोनाड असे घटनेतील मृत शेतकऱ्यांचे नाव आहे.

मृतक बाबुराव रामचंद्र मेश्राम या शेतकऱ्याने खैरना येथील गोपाळा मेंढे नामक शेतकऱ्यांची मालकी दीड एकर शेती उन्हाळी धान लागवडी साठी ठेक्याने घेतली होती. शेतात उन्हाळी धान लागवडपूर्व चिखलणी साठी पुरेसे पाणी उपलब्ध होण्यासाठी ते शेतावर गेले होते. यावेळी वीज पडून ते गंभीररीत्या जखमी झाले. त्यात त्यांचा मृत्यू झाला. या घटनेची माहिती मिळताच रात्री उशिरा घटनास्थळी पोहचून लाखांदूर पोलिसांनी पंचनामा केला व मृतदेह विच्छेदनासाठी रूग्णालयात पाठविला. या घटनेमुळे संपूर्ण गावात शोककळा पसरली आहे.