हिंगणघाट: सिमेंन्ट व लोहा चोरी, पोलिसांनी चोराच्या आवळल्या मुसक्या, 6,15,500 रू चा माल जप्त.

हिंगणघाट पोलीस स्टेशनच्या येथील डि.बी. पथक क्र. 1 ची कामगीरी.

✒️ आशिष अंबादे, वर्धा जिल्हा प्रतिनिधी

महाराष्ट्र संदेश न्युज! ऑनलाईन हिंगणघाट. दि २५:- हिंगणघाट पोलीस स्टेशनच्या हद्दीत एक चोरीची घटना समोर आली होती. त्यामुळे परीसरात एकच खळबळ माजली होती. या चोरीचा तपास करून पोलिसांनी चोराला अटक केली अजून 6,15,500 रू चा माल जप्त जप्त करण्यात आला आहे.

फिर्यादी शिवराज विजया शिंदे रा. वर्धा यांचे मौजा वाघोली येथे जल जिवन मिशन या योजने अंतर्गत पाण्याच्या टाकीचे बांधकाम सुरू असलेल्या ठिकाणी ठेवुन असलेले बांधकाम साहीत्य उर्वरीत अंबुजा कंपनीचे सिमेन्टच्या 150 बॅग किंमत 52,500 रू. व 9 क्विंटल लोहा किमंत 63,000 रू. असा एकुण जु.कि 1,15,500 रू. चा माल. फिर्यादीचे कामावर असलेले ठेकेदार यांनी संगणमत करून चोरून नेले आहे. अशा फिर्यादीचे तोंडी रिपोर्ट वरून सदरचा गुन्हा नोंद करून तपासात घेतला.

सदर गुन्हा दाखल होताच पोलीस स्टेशन हिंगणघाट येथील गुन्हे प्रकटीकरण पथक क्र. 1 हे तपासात वाशिम येथे रवाना होवुन आरोपीतांचा शोध घेतला असता, सदर गुन्हयातील आरोपी नामे अक्षय श्रीमंत फंड वय 26 वर्ष रा. अंधापुरी, गुंज खुर्द, ता. पाथरी जि. परभणी, सागर सर्जेराव मोरे वय 32 वर्षे रा. शिवाजी नगर, सुटाळा बुद्रुक, ता. खामगाव जि. बुलढाणा, ह.मु. श्री जवादे यांच्या घरी तोडकर नगर, पॉलीटेकनिक कॉलेज समोर, वाशिम जि. वाशिम येथे मिळुन आल्याने त्यांना ताब्यात घेवुन त्यांना अटक करून, गुन्हयात विचारपुस करून त्यांचेकडुन चोरीस गेलेला संपूर्ण मुददेमाल व गुन्हयात वापरलेले वाहन असा एकुण जु.कि. 6,15,500 रू. चा माल जप्त करण्यात आला.

सदरची कामगीरी नूरूल हसन, पोलीस अधीक्षक, डॉ. सागर कवडे, अपर पोलीस अधीक्षक, वर्धा, दिनेश कदम, उपविभागीय पोलीस अधिकारी, हिंगणघाट, पोलीस निरीक्षक कैलाश पुंडकर, पोलीस स्टेशन, हिंगणघाट यांचे मार्गदर्शनात डि. बी. पथकाचे पो.हवा. नरेन्द्र डहाके, नापोशि सचिन घेवंदे, सचिन भारशंकर, विशाल बंगाले, व सायबर पोस्टे चे नापोशि दिनेश बोथकर यांनी केली आहे.