चंद्रपूर महानगर पालिका आयुक्तांच्या कार्यालयात इसमाने केला स्वतःवरच चाकूने हल्ला.

सौ. हानिशा दुधे, बल्लारपूर तालुका प्रतिनिधी
चंद्रपूर:- येथून एक खळळजनक घटना समोर आली आहे. चंद्रपूर महानगर पालिकेच्या आयुक्तांच्या कार्यालयात एका इसमाने स्वतःवरच चाकूने हल्ला केल्याने सर्वत्र एकच खळबळ उडाली आहे.

चंद्रपूर महानगर पालिकेचे आयुक्त राजेश मोहिते हे दुपारच्या सुमारास आपल्या कार्यालयात बसले असताना तिथे लक्ष्मण पवार नामक व्यक्ती कार्यालयात आता गेला. आयुक्त कार्यालयात यावेळी लक्ष्मण पवार आणि आयुक्त राजेश मोहिते हे दोघेच असताना या लक्ष्मण पवार याने चाकू काढला व स्वतः वर चाकूने 3 वार करत स्वतःला जखमी केले.

अचानक झालेल्या या घटनेमुळे मनपा आयुक्त राजेश मोहिते हे घाबरले. त्यांनी तातडीने चपराशी आणि सुरक्षारक्षकांना जोराने आवाज दिला. यावेळी आतील दृश्य पाहून सर्व जण घाबरुन गेले. याबाबत तातडीने चंद्रपूर शहर पोलीस स्टेशनच्या याबाबत माहिती देण्यात आली.

पोलिसाना माहिती प्राप्त होतात पोलिसानाचा एक चमुह घटनास्थळी येत जखमी पवार याला ताब्यात घेतलं. लक्ष्मण पवार लातूर जिल्ह्यातील उदगीरच्या टाकळी येथील रहिवासी असल्याची माहिती पुढे आली आहे. पोलिसांनी जखमीला जिल्हा सामान्य रुग्णालयात दाखल केले असून शहर पोलीस घटनेचा अधिक तपास करीत आहे. या प्रकारामुळं महा नगर पालिकेच्या परिसरात खळबळ उडाली आहे. सोबतच या प्रकरणाची चर्चा शहरासह जिल्हाभरात होत आहे.