अहमदनगर महापालिकेच्या वाहनाने दुचाकीला दिलेल्या धडकेत दुचाकीस्वाराचा जागीच ठार.

विश्वास त्रिभुवन, अहमदनगर प्रतिनिधी
अहमदनगर:- शहरातून एक खळबजनक घटना समोर आली आहे. शहरातील कचर्‍याची वाहतूक करणार्‍या महापालिकेच्या वाहनाने दुचाकीला दिलेल्या धडकेत दुचाकीस्वाराचा जागीच ठार झाल्याची घटना गुरूवारी सकाळी सक्कर चौक ते आयुर्वेद कॉलेज दरम्यान घडली होती. याप्रकरणी महापालिकेच्या वाहनवरील एमएच 12 एसएफ 8520 चालकाविरूध्द कोतवाली पोलिसांनी गुन्हा दाखल केला आहे.

अपघातात जखमी झालेले अनिल नामदेव शेळके वय 38 वर्ष, रा. पाथर्डी यांनी फिर्याद दिली आहे. गुरूवारी सकाळी साडेअकरा वाजता शेळके व त्यांचे मेव्हणे अशोक बाबुराव शिंदे वय 40 वर्ष रा. वाळुंज, ता. पाथर्डी दुचाकीवरून जात असताना सक्कर चौकाजवळ कचर्‍याची वाहतूक करणार्‍या गाडीने दुचाकीस्वाराला धडक दिली होती.