समुद्रपूर पोलीस स्टेशन येथे कार्यरत अरविंद येणुरकर “सर्वोत्कृष्ट पोलीस हेड कॉन्स्टेबल” या पुरस्काराने सन्मानित.

प्रविण जगताप, वर्धा उपजिल्हा प्रतिनिधी

महाराष्ट्र संदेश न्युज ऑनलाईन वर्धा:- वर्धा जिल्ह्याचे पोलीस अधिक्षक यांच्या वतीने समुद्रपुर पोलीस स्टेशन येथे कार्यरत असलेले पोलीस हेड कॉन्स्टेबल 261 अरविंद येणुरकर यांना माहे एप्रिल 2023 चे “सर्वोत्कृष्ट पोलीस हेड कॉन्स्टेबल” या पुरस्काराने गौरविण्यात आले.

वर्धा जिल्ह्यात गुन्हेगारीत मोठ्या प्रमाणात वाढ झाली आहे. त्यात अवैध दारू, चोरी, ड्रॅग सह अनेक अवैध व्यवसाय वाढत आहे. त्यामुळे वर्धा जील्हातील पोलीस अधीक्षक नुरुल हसन यांनी धडक कारवाई करत यावर अंकुश ठेवण्याचा प्रयत्न सुरू केला आहे. त्यामुळे गुन्हेगारीवर आळा घालण्याचे काम करणाऱ्या व सर्वोत्कृष्ट कार्य करणाऱ्या पोलिसांना दर महिन्याला जिल्हा पोलिस अधीक्षक यांच्या कडून सन्मानित करण्यात येते. त्यामुळे अरविंद येनुरकर यांना माहे एप्रिल 2023 चे “सर्वोत्कृष्ट पोलीस हेड कॉन्स्टेबल” या पुरस्काराने गौरविण्यात आले.

समुद्रपुर पोलीस स्टेशन येथे कार्यरत असलेले अरविंद येणुरकर यांनी समुद्रपुर पोलीस स्टेशनच्या हद्दीत सुरू असलेल्या अवैध गावठी दारू भट्यावर धाड टाकून ते बंद पाडल्या. चोरीच्या घटनेचा तपास करून आरोपीला जेरबंद केले. ड्रग्ज गांजा तस्करीचे रॉकेट चा स्पर्धाफास करून ते उघडतीस आणले. त्यांच्या या कार्याबद्दल वर्धा जिल्हा पोलिस अधीक्षक नुरुल हसन यांच्या हस्ते प्रशंसापत्र देऊन सन्मानित करण्यात आले. यामुळे समुद्रपुर पोलिसांच्या शिरपेचात मानाचा तुरा रोवला गेला आहे.

वर्धा जिल्हा पोलिस अधीक्षक कार्यालयात झालेल्या या कार्यक्रमात अरविंद येणुरकर यांना “सर्वोत्कृष्ट पोलीस हेड कॉन्स्टेबल” या पुरस्काराने सन्मानित करण्यात आल्यामुळे त्यांच्यावर अभिनंदनचा वर्षाव होत आहे.