पुणे: भर रस्त्यात महिला डॉक्टरच्या गळ्यातून सोनसाखळी हिसकावली, मग झाल अस की चोरट्याचे होश उडाले.

आसमा सय्यद, पुणे शहर प्रतिनिधी

महाराष्ट्र संदेश न्युज ! ऑनलाईन पुणे:- शहरात मोठ्या प्रमाणात चोरीच्या घटनेत वाढ झाल्याचे मागील घडलेल्या अनेक घटनेवरून दिसून येत आहे. अशीच एक घटना समोर आली आहे. रस्त्याने जाणाऱ्या एका महिला डॉक्टरच्या गळ्यातील सोनसाखळी हिसकावून पळून जात होते. याची माहिती तेथे असलेल्या युवकांच्या लक्षात आले. पळून जाणाऱ्या या चोरट्याला या युवकांनी पाठलाग करुन पकडून पोलिसांच्या ताब्यात दिले. ही घटना गुरुवार पेठेत घडली. या प्रकरणी चोरटा महेश लक्ष्मण सावंत रा. थेरगाव, वाकड याला अटक करण्यात आली आहे.

गुरुवार पेठेतून एक महिला डॉक्टर रस्त्यांनी जात होत्या. त्या वेळी चोरट्याने त्यांच्या गळ्यातील सोनसाखळी हिसकावली आणि तो पसार झाला. महिलेने आरडाओरडा केला. तेव्हा तेथे क्रिकेट खेळत असलेले गोवर्धन विलास गोगावले, हेमंत विनायक झेंडे, उमेश काशीद, अभिषेक दिगंबर जाधव यांनी महिलेचा आवाज ऐेकला. गोगावले, झेंडे, काशीद, जाधव यांनी चोरट्याला पाठलाग करुन पकडले. चोरटा महेश सावंत याला खडक पोलिसांच्या ताब्यात दिले. सहायक पोलीस आयुक्त सतीश गोवेकर, खडक पोलीस ठाण्याच्या वरिष्ठ पोलीस निरीक्षक संगिता यादव यांनी चोरट्याला पकडणाऱ्या युवकांचा सत्कार केला.