हिंगणघाट शहरात शासकिय मेडिकल कॉलेज व्हावे या संदर्भात जिल्हाधिकारी राहुल कर्डिले यांच्याशी चर्चा.

✒️प्रविण जगताप, वर्धा उपजिल्हा प्रतिनिधी
मोबा. न. 9284981757

महाराष्ट्र संदेश न्युज ! ऑनलाईन हिंगणघाट:- वर्धा जिल्हात होणारे प्रस्तावित हे हिंगणघाट येथे व्हावे म्हणून स्थानिक नागरिक मठ्या प्रमाणात आंदोलन करत आहे. त्यामुळे मेडिकल कॉलेज संघर्ष समिती व सर्वपक्षीय नेत्यांची जिल्हाधिकारी राहुल कर्डिले यांच्याशी हिंगणघाट विधानसभा क्षेत्रात मागणी असलेल्या शासकिय मेडिकल कॉलेज संदर्भात जिल्हाधिकारी कार्यालयात प्रदीर्घ चर्चा करण्यात आली. यावेळी माजी केंन्द्रीय मंत्री सुबोधजी मोहिते प्रामुख्याने हजर होते.

वर्धा जिल्हाचे जिल्हाधिकाऱ्यांनी मेडिकल कॉलेज संदर्भात सकारात्मक चर्चा करून सरकार दरबारी योग्य तो पाठपुरावा करण्याचे आश्वासन यावेळी शिष्टमंडळाला दिले. शहरातील आरोग्य सेवेच्या दृष्टीने अत्यंत महत्त्वाचे असलेले शासकीय मेडिकल कॉलेज हिंगणघाटला का आवश्यक आहे, ही बाब शिष्टमंडळाने जिल्हाधिकारी यांचे निदर्शनात आणून दिली. त्यानंतर खासदार रामदासजी तडस यांच्या निवासस्थानी जावुन त्यांच्या सोबत पण शासकिय मेडिकल काँलेज विषयी सविस्तर चर्चा करण्यात आली. खासदार तडस यांनी पण मनातुन इच्छा आहे की हे मेडिकल काँलेज हिंगणघाटलाच यायला पाहीजे. यावेळी खा. तडस बोलले की मी तुम्हाला सर्वतोपरी मदत करतो.

यावेळी मेडिकल कॉलेज संघर्ष समितीचे अध्यक्ष सुनिल पिंपळकर, कार्याध्यक्ष वासुदेव पडवे, जगदीश वांदिले, अक्षय बेलेकर, रूपेश‌ लाजुरकर, अनिल जवादे, गुणवंत कारवटकर, भारत पाटिल, अजय मुळे, सौ. चंदा येलेकर, सौ. विद्या गिरी तसेच माजी आमदार राजु तिमांडे, अतुल वांदीले, प्रलय तेलंग, सुरेखाताई देशमुख, माजी नगराध्यक्ष पंढरी कापसे, प्रवीण उपासे, सुनिल हरबुडे, गुणवंता कारवटकर, सुरेन्द्र बोरकर, प्रहार संघटनेचे गजु कुबडे, शिवसेनेचे राजू खूपसरे, सतीश धोबे, मोहन तुमडाम यावेळी उपस्थित होते.