स्वारगेट एसटी स्टॅन्ड परिसरामध्ये गर्दीचा फायदा घेवुन मोबाईल चोरी करणाऱ्या चोरटयास स्वारगेट पोलीसांनी केले जेरबंद.

पंकेश जाधव पुणे ब्यूरो चीफ 7020794626

स्वारगेट पोलिस स्टेशन पुणे शहर

महाराष्ट्र संदेश न्यूज ! ऑनलाईन पुणे :- स्वारगेट पोलीस ठाणे पुणे शहर गु.र.नं. १५३ / २०२३ भा.दं.वि. ३७९ प्रमाणे गुन्हा दाखल असुन दाखल गुन्हयातील फिर्यादी हे दि.०५/०६/२०२३ रोजी १५/०० वा सुमारास स्वारगेट एसटी स्टॅन्ड येथे श्रीगोंदा बसमध्ये चढत असताना गर्दीमध्ये कोणीतरी त्यांचा मोबाईल खिशातुन काढुन घेवुन पळुन जात असल्याचे त्यांची नातेवाईक यांनी पाहिले त्यानंतर सदर ठिकाणी आरडाओरडा झाला असता स्वारगेट एसटी स्टॅन्ड येथे पेट्रोलिंग करणारे स्वारगेट पोलीस स्टेशनकडील तपास पथकातील अंमलदार यांनी सदर इसमास पकडुन त्यास पोलीस स्टेशन येथे घेवुन येवुन त्याला त्याचा नाव व पत्ता विचारला असता त्याने त्याचे नाव अंकुश अशोक कराड वय ३९ वर्षे रा- मु.पो येली ता- पाथर्डी जि अहमदनगर असे सांगितले त्यानंतर त्याची झडती घेतली असता त्याचेकडे वर नमुद दाखल गुन्हयातील मोबाईल मिळुन आला.. सदर आरोपीस दाखल गुन्हयात अटक करुन त्याचेकडे अधिक तपास केला असता त्याचेकडे वेगवेगळ्या कंपनीचे एकुण ६० हजार रुपये किंमतीचे एकुण १२ मोबाईल मिळुन आले असुन सदर मोबाईल जप्त करण्यात आले आहेत दाखल गुन्हयाचा तपास मुकुंद तारु पोलीस हवालदार २२२१ स्वारगेट पोलीस स्टेशन पुणे शहर हे करीत आहेत.

सदरची कामगिरी ही मा.श्री. अरविंद चावरिया सो, अप्पर पोलीस आयुक्त, पश्चिम प्रादेशिक विभाग, पुणे शहर, मा. श्री. स्मार्तना पाटील सो, पोलीस उप-आयुक्त, परिमंडळ-२, पुणे शहर, मा. श्री. नारायण शिरगावकर साो, सहा. पोलीस आयुक्त, स्वारगेट विभाग, पुणे शहर यांचे मार्गदर्शनाखाली स्वारगेट पोलीस स्टेशनचे वरिष्ठ पोलीस निरीक्षक श्री अशोक इंदलकर, पोलीस निरीक्षक (गुन्हे) सोमनाथ जाधव यांच्या आदेशान्वये तपास पथकातील सहा. पोलीस निरीक्षक श्री प्रशांत संदे, पोलीस उपनिरीक्षक अशोक येवले, व पोहवा मुकुंद तारु, शिवा गायकवाड, फिरोज शेख, रमेश चव्हाण, संदीप घुले, अनिस शेख, दिपक खेदाड पवार, प्रविण गोडसे यांनी एकत्र मिळुन केली आहे…