नागपुरात प्रसिद्ध बिल्डरने आठव्या माल्यावरून उडी मारत केली आत्महत्या.

संदिप सुरडकर नागपुर जिल्हा प्रतिनिधी

महाराष्ट्र संदेश न्युज ! ऑनलाईन नागपूर:- येथून एक खळबळजनक घटना समोर आली आहे. येथे एका बिल्डरने आठव्या माल्यावरून उडी मारत आपलं आयुष्य संपवलं आहे. अभिजित दुधाने असं या बिल्डरचं नाव आहे. ही घटना समोर येताच संपूर्ण परिसरात खळबळ माजली आहे.

नागपुर शहरातील बिल्डर अभिजित दुधाने यांनी आत्महत्या केली ते व्यवसायिक देखील होते. त्यांनी आत्महत्या का केली? याबाबतची माहिती अद्याप समोर आलेली नाहीये. मात्र व्यावसायात आलेल्या आर्थिक अडचणींमुळे आत्महत्या केल्याची प्राथमिक माहिती समोर येत आहे.

या प्रकरणात अधिक तपास सुरू असल्याची माहिती पोलिसांकडून देण्यात आली आहे. जयतळा परिसरातील घटना पोलिसांनी दिलेल्या माहितीनुसार अभिजित दुधारे वय 44 वर्ष यांनी रविवारी दुपारी 12 वाजताच्या सुमारास शहरातील जयतळा परिसरात बांधकाम सुरू असलेल्या इमारतीच्या 8 व्या मजल्यावरून उडी मारून आत्महत्या केली आहे. अभिजीत दुधाने हे रविवारी रात्री बाराच्या सुमारास जयतळा परिसरात बांधकाम सुरू असलेल्या या इमारतीमध्ये आले. त्यानंतर ते लिफ्टने आठव्या मजल्यावर गेले आणि तेथून त्यांनी उडी मारून आपलं आयुष्य संपवलं.

बांधकाम क्षेत्रात खळबळ दरम्यान या प्रकरणाची माहिती स्थानिकांकडून एमआयडीसी पोलिसांना देण्यात आली. घटनेची माहिती मिळताच पोलीस घटनास्थळी दाखल झाले. पोलिसांनी दुधाने यांना रुग्णालयात दाखल केलं, मात्र डॉक्टरांनी त्यांना तपासून मृत घोषीत केलं. या प्रकारानं नागपूरच्या बांधकाम क्षेत्रात खळबळ उडाली आहे. घटनेबाबत अधिक तपास सुरू असल्याची माहिती पोलिसांकडून देण्यात आली.