संतापजनक: पुण्यात बँकेत पदोन्नतीसाठी महिला कर्मचारीकडे शारीरिक सुखाची मागणी.

जोसेफ नडेसन पुणे शहर प्रतीनिधी

महाराष्ट्र संदेश न्युज ! ऑनलाईन पुणे:- पुण्यातूंन एक संतापजनक घटना समोर आली आहे. शहरातील एक मोठ्या बैंकच्या अधिकाऱ्याने आपल्याच बँक तील महिला कर्मचाऱ्याला पदोन्नतीसाठी शारीरिक सुखाची मागणी केली. ही घटना समोर येताच संपूर्ण पुण्यात संताप व्यक्त करण्यात येत आहे. याप्रकरणी महिलेने लष्कर पोलीस स्टेशन मध्ये तक्रार दाखल केली. या महिलेच्या तक्रारीवरुन, लष्कर पोलिसांनी बँक अधिकाऱ्याविरुद्ध भारतीय दंड संहिता (IPC) कलम 354 ए, 504 आणि 506 अंतर्गत गुन्हा दाखल केला आहे. पोलीस याबाबत सखोल तपास करत आहेत.

काय आहे घटना?
पुणे शहरात एका नामांकित बँकेत काम करत असलेल्या एका महिला कर्मचाऱ्याला तिच्याच वरीष्ठ अधिकाऱ्याने पदोन्नती हवी असेल तर मला शारीरिक सुख दे अशी अजीब मागणी केली. अशी मागणी आयकून ही महिला कर्मचारी पूर्ण हादरली आणि पोलिसात जाऊन तक्रार दाखल केली.

पोलिसांनी दिलेल्या माहितीनुसार, सदर आरोपी अधिकारी महिला कर्मचाऱ्यांशी अश्लील वर्तन करायचा. तसेच फिर्यादी महिलेसह इतर महिला कर्मचाऱ्यांना उशिरापर्यंत कामावर ठेवायचा. त्याचे म्हणणे न ऐकल्यास महिला कर्मचाऱ्यांना नोकरीवरुन काढण्याची धमकी देत शिवीगाळ करायचा. तसेच महिलांच्या शरीराला स्पर्श करुन त्यांचा विनयभंग करत असे. एवढ्यावरच तो थांबला नाही. पदोन्नती मिळवण्यासाठी शारीरिक सुखाची मागणी केली. अखेर अधिकाऱ्याच्या जाचाला कंटाळून एका महिला कर्मचाऱ्याने पुढाकार घेत लष्कर पोलिसात तक्रार दाखल केली. पोलिसांनी गुन्हा दाखल करत पुढील तपास सुरु केला आहे.