नराधम पित्याने आपल्याच 6 वर्षांच्या मुलासह पत्नीची केली निर्घृण हत्या. रत्नागिरी जिल्हातील मन सुन्न करणारी घटना.

रत्नु कांबळे, कोकण ब्यूरो चीफ

महाराष्ट्र संदेश न्युज ! ऑनलाईन रत्नागिरी:- जिल्हातून एक समाज मन सुन्न करणारी घटना समोर आली आहे. येथे एका नराधम पित्याने आपल्याच 6 वर्षीय मुलासह पत्नीची निर्घृण हत्या केली या दुहेरी हत्याकांड समोर येताच संपर्ण जिल्हात एकच खळबळ माजली आहे. याप्रकरणी रत्नागिरी पोलिसांनी गुन्हा दाखल केला असून फरार आरोपीचा पोलिस शोध घेत आहे.

प्राप्त माहितीनुसार, रत्नागिरी जिल्हातील लांजा तालुक्यातील कोट गावामध्ये ही घटना घडली आहे. एका नराधम पित्याने आपल्याच मुलाची आणि पत्नीची निर्घृण हत्या केली. यात सोनाली चांदिवडे वय 26 वर्षे आणि प्रणव चांदिवडे वय 6 वर्षे अशी हत्या करण्यात आलेल्या आई आणि मुलाचं नाव आहे. आरोपी संदेश रघुनाथ चांदिवडे रा. कोट पाष्टेवाडी, ता. लांजा असे (संशयित) आरोपीचे नाव आहे.

मृतक सोनाली चांदिवडे या महिलेचा मृतदेह तिच्या घराच्या मागच्या बाजूला आढळून आला. तर प्रणव याच्या मृतदेह घरामध्ये आढळून आला. सोनालीच्या गळ्यावर धारधार शस्त्राचे वार करत हत्या करण्यात आली आहे. असे स्पष्ट दिसून येत आहे. या घटनेची माहिती मिळताच लांजा पोलिसांनी घटनास्थळी धाव घेतली. पोलिसांनी दोघांचे मृतदेह ताब्यात घेत पंचनामा करून मृतदेह शवविच्छेदनासाठी रुग्णालयामध्ये पाठवले आहेत. पोलिसांनी सोनालीचा पती संदेश चांदिवडे विरोधात गुन्हा दाखल केला आहे. आरोपी सध्या फरार असून पोलीस आरोपीचा शोध घेत आहे.

पोलिसांनी दिलेल्या माहितीनुसार, 10 दिवसांपूर्वी ही महिला घरातून लांजा येथे निघून गेली होती. चार दिवसांपूर्वीच ती घरी परत आली होती. नवरा बायकोच्या भांडणामध्येच ही घटना घडली आहे. पतीनेच पत्नी आणि मुलगा या दोघांची हत्या केल्याचा दाट संशय आहे. पोलिसांनी फिर्याद दाखल करुन घेतली आहे. आरोपीचा शोध घेण्यासाठी पोलिसांनी पथकं रवाना केली आहेत.

आपल्या परिसरातील बातम्या करीता आजच संपर्क साधावा प्रशांत जगताप संपादक मोबा 9766445348 / 7385445348