नाशिक: गणेशोत्सवात कोणत्याही अनुचित घटना घडू नये म्हणून पाच हजार पोलिसांसह होमगार्ड जवानांचा फौज फाटा तैनात.

✒️ मानवेल शेळके, नाशिक जिल्हा प्रतनिधी

नाशिकः- गणेशोत्सवात कोणत्याही अनुचित घटना घडू नये यासाठी शहर व ग्रामीण पोलीसानी बंदोबस्ताचे कडक नियोजन केले आहे सुमारे पाच हजार पोलिसांसह होमगार्ड जवानांचा फौज फाटा तैनात राहणार आहे रेकॉर्डवरील गुन्हेगारांची शोध मोहीम करण्या सोबतच गून्हे होणार नाही याची दक्षता घेतली जाणार आहे.

कोरोनाचा प्रादुर्भाव कमी झाल्याने गणेशोत्सवाची जय्यत तयारी सर्वत्र झाली आहे. गणरायाचे स्वागत वाजत-गाजत होणार असून, 10 दिवस धूमधडाक्यात, भक्तिभावाने गणेशोत्सव साजरा होणार आहे. देखावे पाहण्यासाठीही भाविकांची गर्दी होणार असल्याने कोणताही अनुचित प्रकार घडू नये, यासाठी शहर व पोलिस यंत्रणा सतर्क झाल्या आहेत. त्यानुसार बंदोबस्ताचे नियोजन केले आहे.

असा असेल शहरात फौजफाटा
पोलिस आयुक्त जयंत नाईकनवरे यांच्या मार्गदर्शनाखाली चार पोलिस उपआयुक्त, सात सहायक आयुक्त, 40 पोलिस निरीक्षक व 225 सहायक व उपनिरीक्षक पोलिस अधिकार्‍यांचा बंदोबस्त राहील. त्याचप्रमाणे तीन सत्रांत तीन हजार पोलिस अंमलदारांचा फौजफाटा तैनात राहील. अतिरिक्त कुमक म्हणून 150 कर्मचारी असतील, तर एक हजार 50 होमगार्ड जवानांचा फौजफाटा तैनात करण्यात आला आहे. त्याचप्रमाणे क्यूआरटी, आरसीपी, एसआरपीएफच्या प्रत्येकी 1-1 तुकड्या राहणार आहेत. शहरातील सुमारे 376 गणेश मंडळांना शहर पोलिस आयुक्तालयाकडून परवानगी देण्यात आली असून, यामध्ये 39 मौल्यवान गणपती असल्याचे विशेष शाखेच्या वतीने सांगण्यात आले.