गोंदिया येथील शासकीय महाविद्यालयातील 24 वर्षीय डॉक्टराची वस्तीगृहातील पंख्याला गळफास लावून आत्महत्या.

शिकवू डॉक्टर भूषण विशाल वाढोणकर वय २४ वर्ष याने वस्तीगृहातीत केली आत्महत्या.

मुकेश चौधरी कार्यकारी संपादक

महाराष्ट्र संदेश न्युज ! ऑनलाईन गोंदिया:- येथून एक मन हेलावणारी घटना समोर आली आहे. गोंदिया जिल्ह्यातील शासकीय वैद्यकीय महाविद्यालयामधील शिकणाऱ्या डॉक्टरने आत्महत्या केल्याने संपूर्ण जिल्हात एकच खळबळ माजली आहे. शिकवू डॉक्टर भूषण विशाल वाढोणकर वय २४ वर्ष याने वस्तीगृहातीत पंख्याला गळफास घेऊन आत्महत्या केली.

गोंदिया जिल्ह्यातील शासकीय वैद्यकीय महाविद्यालयामध्ये इंटरशिप करत असलेला भूषण विशाल वाढोणकर वय 24 वर्ष, रेल्वे चांदूर अमरावती जिल्हा येथे राहणारा हा विद्यार्थी गोंदिया येथील वैद्यकीय महाविद्यालयाच्या वस्तीगृहात वास्तव्याला होता. इमारत क्रमांक 7 मध्ये तिसऱ्या माळ्यावर डी 31 क्रमांकाच्या रूममध्ये राहत होता. सकाळी आपली ड्युटी करून सायंकाळी रूम वर आला. रूममध्ये रहाणारा सहकारी हा रात्रीची ड्युटी असल्याने आपल्या ड्युटीवर गेला. सकाळी 8 वाजेपर्यंत रुम सहकाऱ्याने त्याला कॉल केला. मात्र, कॉलचा प्रतिसाद दिला नाही. त्यामुळे त्यांनी रूमच्या बाजूला असलेल्या रूममध्ये राहणाऱ्यांना कॉल केले. त्यांनी रूम मध्ये जाऊन बघितले असता. भूषण याने सीलिंग पंख्याला दोराने गळफास घेतला असल्याचे आढळून आले. ही घटना सकाळी 8.30 ला उघडकीस आली. याची माहिती गोंदिया शहर पोलिसांना देण्यात आली आहे.

घटनेच गांभीर्य ओळखून पोलीस अधिकारी तडकाफडकी घटनास्थळी दाखल झाले. यावेळी पोलिसांना सीलिंग पंख्याला दोराने गळफास घेतला असल्याचे आढळून आले. पोलिसांनी पंचनामा करून मृतदेह काढून शवविच्छेदन करण्यासाठी पाठवला आहे. आत्महत्येचे कारण समजू शकलेले नाही. पोलिस पुढील तपास करत आहेत.

आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348