पुण्यात पार्टीवरुन घरी जात असलेल्या युवतीवर मदत करण्याच्या बहाण्याने बलात्कार.

पंकेश जाधव पुणे ब्यूरो चीफ

महाराष्ट्र संदेश न्युज ! ऑनलाईन पुणे:- शहरातून एक खळबळजनक घटना समोर आली आहे. येथे विमाननगर परिसरात एका हॉटेल मधून पार्टी करुन घरी जात असलेल्या युवतीवर घरी सोडण्याचा बाहाण्याने तिच्यावर बलात्कार करण्यात आला. याप्रकरणी पोलिसांनी एकास बेड्या ठोकल्या आहे. दत्तात्रय खरात वय 28 वर्ष, रा. विमाननगर असे अटक करण्यात आलेल्याचे नाव आहे.

एका 32 वर्षीय युवतीने विमानतळ पोलीस स्टेशन मध्ये तक्रार दिली आहे. विमाननगर भागात बॅकयार्ड कॅफे आहे. तरुणी, तिची मैत्रीण, दोन मित्र गुरुवारी रात्री पार्टी करण्यासाठी तेथे गेले होते. हॉटेल दहा हजार रुपयांचे बिल झाले. तरुणीने डेबिट कार्डद्वारे बिल अदा करण्याचा प्रयत्न केला. मात्र, डेबिट कार्डच्या सांकेतिक शब्दात चूक झाल्याने बिल अदा होऊ शकले नाही. त्यानंतर उपाहारगृहातील व्यवस्थापक आणि कामगारांनी युवतीला शिवीगाळ करुन दोन मोबाइल संच, पॅनकार्ड, आधारकार्ड, डेबीट कार्ड ताब्यात घेतले. बिल भरल्यानंतर जप्त केलेल्या वस्तू परत करेल, असे त्यांनी सांगितले. त्यानंतर तरुणी हॉटेल मध्ये थांबली. त्यावेळी हॉटेल मध्ये एका ग्राहक तरुणाने या युवतीला मदत करण्याचा बहाणा केला. या युवतीला घरी सोडण्याचा बहाणा करुन खराडी भागातील एका हॉटेलमध्ये नेऊन तिच्यावर त्याने बलात्कार केला.

यानंतर या युवतीने पोलिसात तक्रार दिल्यानंतर पोलिसांनी तातडीने तपास सुरू केला. आरोपी खरात याला अटक करण्यात आली. वरिष्ठ पोलीस निरीक्षक विलास सोंडे यांच्या मार्गदर्शनाखाली तपास करण्यात येत आहे.