पुणे शहरात बुंट्स संघाच्या वतीने आज भव्य रक्तदान शिबिर संपन्न, शेकडो नागरिकांनी घेतला सहभाग.

पंकेश जाधव पुणे चिफ ब्युरो

महाराष्ट्र संदेश न्युज ! ऑनलाईन पुणे:- पाण्याचा एक थेंब नव्हे अंकुर झाडाला देऊ शकतो त्याप्रमाणे रक्ताचा एक थेंब एका माणसाचा जीव वाचवू शकतो. जगामध्ये सगळ्यात श्रेष्ठ दान रक्तदान श्रेष्ठ दान असल्यामुळे बुंट्स संघ पुणे शहर पूर्व झोनच्या वतीने रक्तदान व मोफत आरोग्य तपासणी शिबिर उपक्रम मोठ्या उत्साहात पार पडला.

बुंट्स संघ पुणे शहरच्या वतीने मागील अनेक वर्षांपासून वेगवेगळे उपक्रम राबविले जात असतात. त्यात रक्तदान शिबिर व आरोग्य तपासणी शिबिर आयोजन करण्यात येत असते.

यावेळी आयोजन करण्यात आलेले या रक्तदान शिबिरात अनेक नागरिकांनी स्वयमफुर्तीने सहभाग नोंदवत रक्तदान केले. यावेळी गरीब आणि गरजू लोकांना मोफत नेत्र तपासणी व मोतीबिंदू ऑपरेशन तपासणी, अनेक नागरिकांची थायरॉईड टेस्ट, ईसीजी सह इतर आरोग्य तपासणी करण्यात आली. रक्तदान ही चळवळ झाली पाहिजे याची मानसिक आज लोकांत निर्माण झाली पाहिजे. सर्वात महत्त्वाचं म्हणजे रक्तदान श्रेष्ठ दान हीच धारणा मनात बाळगून मानवी जीवनात आपण कोणाच्यातरी जीव वाचवण्यात सहभागी झालं पाहिजे अशी भावना यावेळी अनेक रक्तदात्यात दिसून येत होती.