औरंगाबाद: पोलीस आयुक्त कार्यालयातच महिलेने स्वतःला पेटवून आत्महत्या, एका पोलिसासह 5 लोकावर गुन्हा दाखल.

औरंगाबाद शहर प्रतिनिधी

औरंगाबाद:- येथून एक खळबळजनक घटना समोर आली आहे. औरंगाबाद पोलीस आयुक्त कार्यालयातच एका महिलेने स्वतःला पेटवून घेऊन आत्महत्या केली, त्यामुळे संपूर्ण जिल्हात एकच खळबळ माजली आहे. सविता दीपक काळे असे आत्महत्या करणाऱ्या महिलेचे नाव आहे. याप्रकरणी एका पोलिसासह 5 लोकावर गुन्हा दाखल करण्यात आला आहे.

शेजारच्या नागरिका बरोबर सुरू असलेल्या वादात स्वतःचा नवराच आपली साथ देत नसल्याने आणि मोठ्या प्रमाणात बेदम मारहाण करत असल्याने औरंगाबादच्या सविता दीपक काळे या महिलेने थेट पोलीस आयुक्त कार्यालयातच स्वतःला पेटवून घेऊन आत्महत्या केल्याची घटना दोन दिवसांपूर्वी समोर आली होती. त्यानंतर आता याप्रकरणी औरंगाबादच्या वाळूज पोलीस ठाण्यात महिलेच्या पतीसह एकूण पाच जणांवर गुन्हा दाखल करण्यात आला आहे. तर यात पोलीस कर्मचाऱ्यांचा सुद्धा समावेश आहे.

सविता दीपक काळे या महिलेच्या आत्महत्या प्रकरणी गुन्हा दाखल करण्यात आला असून पुढील तपास पोलीस करीत आहे.