ज्ञानप्रभात विद्या मंदिर व विद्यालय सह्योगनगर, पिंपरी चिंचवड पुणे येथे संविधान दिन उत्साहात साजरा.

पंकेश जाधव, पुणे ब्यूरो चीफ

महाराष्ट्र संदेश न्युज ! ऑनलाईन पुणे:- डॉ. बाबासाहेब आंबेडकर म. फुले ट्रस्टचे, ज्ञानप्रभात विद्या मंदिर व विद्यालय सह्योगनगर रुपीनगर, पिंपरी चिंचवड शहर, पुणे येथे आज संविधान दिन मोठ्या उत्साहात साजरा करण्यात आला. यावेळी ज्ञान प्रभात विद्यालयाचे मुख्याध्यापक राहुल गवळी व ज्ञान प्रभात विद्यामंदिरच्या मुख्याध्यापिका सौ. प्रज्ञा सोनवणे शिक्षक शिक्षकेत्तर कर्मचारी व विद्यार्थी उपस्थित होते.

सर्वप्रथम सविंधान दिंडीचे पूजन व प्रतिमा पूजन करण्यात आले. त्यानंतर सर्व विद्यार्थ्यांनी संविधानच्या घोषणा दिल्या व घोषणांनी संपूर्ण परिसर दुमदुमून गेला. त्यानंतर सामूहिक संविधान वाचन करण्यात आले तसेच या प्रसंगी विद्यार्थ्यांनी संविधान निर्मिती व संविधान निर्माते डॉ. बाबासाहेब आंबेडकर यांना भाषणातून अभिवादन केले. या प्रसंगी भाषणे कविता, नाटिका गीत यातून अभिवादन करण्यात आले.

संविधान दिनाचे औचित्य साधून इयत्ता ५ वी व ६ वी च्या विद्यार्थ्यांनी खूप छान नाटिकेतून संविधानाचे महत्व पटवून दिले. त्यानंतर कार्यक्रमाचे अध्यक्ष प्रज्ञा सोनवणे यांनी अध्यक्षीय भाषण केले. या कार्यक्रमाचे सूत्र संचालन कु. मनीषा कांबळे व कु. सलोनी खोले या १० वी च्या विद्यार्थिनींनी केली तसेच कार्यक्रमाची प्रस्तावना कु. रसिका थोरात हिने केली व कु. प्रिती डावरे हिने सर्वांचे आभार मानले.

संविधान दिनाचा कार्यक्रम यशस्वी होण्यासाठी इयत्ता १० वी च्या सर्व विद्यार्थ्यांनी प्रयत्न केले व यशस्वी रित्या कार्यक्रम संपन्न केला त्यानंतर विद्यार्थ्याना खाऊ वाटप करून कार्यक्रमाची सांगता करण्यात आली.

आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348 / 7385445348