काळीज हेलावणारी घटना, अवघ्या 3 वर्षांच्या चिमुकल्यांच्या श्वास नलिकेत फुगा अडकून दुर्दैवी मृत्यू.

मंगेश जगताप, मुंबई प्रतिनिधी

महाराष्ट्र संदेश न्युज ! ऑनलाईन मुंबई:- मुंबई जवळील पालघर येथून एक काळीज हेलावणारी घटना समोर आली आहे. अवघ्या तीन वर्षांच्या चिमुकल्यांच्या श्वास नलिकेत फुगा (बल्लून) अडकून दुर्दैवी मृत्यू झाल्याचे घटनेने संपूर्ण पालघर मध्ये हळहळ व्यक्त करण्यात येत आहे.

पालघरमधील वाडा तालुक्यात असलेल्या अतिदुर्गम भागातील आदिवासी भगतपाड्यात तीन वर्षांच्या चिमुकला हर्ष बुधर याच्या श्वास नलिकेत फुगा (बल्लून) अडकून मृत्यू झाला. या मुलाला वेळेवर रुग्णालयात पोहोचता न आल्याने त्याला आपला जीव गमवावा लागला. मृत्यू पूर्वी या मुलगा आपल्या घराबाहेर आपल्या मित्रांसोबत खेळत होता. असे अचानक मुलाच्या मृत्यूमुळे कुटुंबियांवर दु:खाचा डोंगर कोसळला आहे.

प्राप्त माहितीनुसार, अतिदुर्गम भागातील आदिवासी भगतपाड्यात तीन वर्षांच्या चिमुकला हर्ष बुधर संध्याकाळच्या सुमारास आपल्या मित्राबरोबर घरा बाहेर खेळत होता. मात्र अचानक त्याची तब्येत बिघडली. त्यामुळे घरातले सगळे घाबरले. त्याला काय झालं ते विचारू लागले. तेव्हा, त्याने खेळत असताना फुगा गिळल्याने त्याची तब्येत बिघडली, अस त्याच्या एका मित्राने सांगितलं. हे ऐकताच घरात एकच गोंधळ माजला. त्याच्या कुटुंबियांनी त्याला रुग्णालयात दाखल केले. मात्र दुर्दैवाने तेथे त्याचा उपचारांदरम्यान मृत्यू झाला.

वेळेवर उपचार होऊ न शकल्याने हर्ष बुधर याचा मृत्यू झाल्याची माहिती समोर येत आहे. त्यामुळे यासंदर्भात अजून कोणत्या गोष्टी समोर येणार हे पाहणं महत्त्वाचं ठरेल. मात्र या दुर्दैवी घटनेमुळे संपूर्ण पालघर जिल्ह्यामध्ये हळहळ व्यक्त केली जात आहे. तसेच लहान मुलं खेळताना त्यांच्याकडे नीट लक्ष द्या, ते कोणतीही गोष्ट तोंडात टाकत नाहीत ना हे तपासा, असे आवाहनही करण्यात येत आहे.