अकोला शहरात हत्येचे सत्र सुरूच, तरुणाच्या हत्येने अकोला हादरला, आरोपीला दोन तासात पोलिसांनी ठोकल्या बेड्या.

उमेश इंगळे अकोला जिल्हा प्रतिनिधी

महाराष्ट्र संदेश न्युज ! ऑनलाईन अकोला:- शहरात मोठ्या प्रमाणात गुन्हेगारी वाढल्याचे चित्र दिसून येते आहे. नवीन वर्षाच्या सुरुवातीला दुसऱ्या हत्याने अकोला शहर पुन्हा एकदा हादरले आहे. त्यामुळे शहरात हत्येचे सत्र सुरू आहे. शनिवार 13 जानेवारी रोजी संध्याकाळी अकोला शहरातल्या रेल्वे स्टेशन परिसरातील जुना केरोसीन डेपो जवळ एका तरुणाची आपसी वादातून निर्घृण हत्या करण्यात आली. मनोज प्रकाश कमळू, वय 36 वर्ष, रा. दुबेवाडी असे डोक्यावर धारदार शस्त्राने वार करून हत्या करण्यात आलेल्या तरुणाचे नाव आहे.

रेल्वे स्टेशन परिसरातील जुना केरोसीन डेपो जवळ एका तरुणाची हत्या करण्यात आल्याची माहिती रामदासपेठ पोलीसांना मिळताच पोलीस अधिकारी आपल्या ताप्यासह घटनास्थळी दाखल झाले. यावेळी पोलिसांनी मृतदेहाचा पंचनामा करून मृतदेह शवविच्छेदनासाठी शासकीय रुग्णालयात पाठविण्यात आला आहे. यावेळी फिंगरप्रिंट तज्ञ आणि इतर पोलीस कर्मचाऱ्यांचे पथकही घटनास्थळी पोहोचले आहे.

हत्येचे नमके कारण समजू शकले नसले तरी पोलीस अधिक तपास करत आहेत. घटनास्थळी आर पी एफ पोलीस, रामदास पेठ पोलीस, जीआरपी पोलीस, आणि अकोला स्वान पथक दाखल झाल आहे. दरम्यान आरोपीला एलसीबी पोलिसांनी घटनेच्या दोन तासातच संशयीत आरोपींना उमरी भागातून अटक केली आहे. पुढील तपास पोलीस करत आहे.