अनिल अडकिने, सावनेर तालुका प्रतिनिधी
मो. नं. -९८२२७२४१३६
महाराष्ट्र संदेश न्युज ! ऑनलाईन सावनेर:- नागपूर ग्रामीण पोलीस विभागामार्फत सध्या रस्ते सुरक्षा सप्ताह निमित्याने विविध लोकजागृती व कृती उपक्रमांचे आयोजन करण्यात येत आहे. याचाच एक भाग म्हणून स्थानिक लायन्स क्लब आणि पोलीस स्टेशन सावनेर तर्फे क्षेत्रातील चालक, वाहक आणि वाहतूक संबंधित व्यक्तींसाठी नेत्र, शुगर, रक्तचाप सारख्या चाचण्या व तपासणी शिबिराचे नुकतेच पोलीस स्टेशन सभागृहात आयोजन करण्यात आले होते.
या आरोग्य शिबिराच्या उदघाटन कार्यक्रमाचे अध्यक्षपद अनिल म्हस्के (भापोसे) सहाय्यक पोलीस अधीक्षक यांनी भूषविले, यावेळी रवींद्र मानकर पोलीस निरीक्षक व प्रा. डॉ.विलास डोईफोडे अध्यक्ष लायन्स क्लब प्रामुख्याने उपस्थित होते.
प्रवास्यांच्या जीवाची पर्यायाने कुटुंबाची जबाबदारी ही चालक वाहकांवर अवलंबून असते त्यामुळे त्यांनी तसेच सामान्य जनतेने सुद्धा वाहतुकीच्या नियमांचे काटेकोर पालन केले पाहिजे असे प्रतिपादन रवींद्र मानकर यांनी केले. यावेळी अनिल म्हस्के यांनी आपल्या मार्गदर्शनात सरकारी किंवा खाजगी वाहतूक क्षेत्रातील सर्व संबंधित व्यक्तींनी नियमित नेत्र, शुगर, रक्तचाप तपासन्या करून योग्य औषधोपचार केल्यास अपघातांचे प्रमाण काहीसे कमी होऊ शकते असे मत व्यक्त केले.
या कार्यक्रमाचा उद्देश व प्रास्ताविक प्रा.विलास डोईफोडे यांनी स्पष्ट केले. सदर शिबिरात डॉ. शिवम पुण्यानी, रुकेश मुसळे आणि आस्था पथालॉजि लॅब चमू यांनी उपस्थितांना आरोग्य विषयक मार्गदर्शन करून उपरोक्त तपासन्या सुद्धा केल्या. या कार्यक्रमाचे संचालन व्यंकटेश दोनोडे तर आभारप्रदर्शन बांगरे यांनी केले.
या कार्यक्रमाच्या यशस्वीतेसाठी सुनील तलमले, किशोर सावल, सुरेंद्र वासनिक, पंकज गजभिये, रुपेश जिवतोडे, शशांक देशमुख, अंकुश शास्त्री, ज्योती नेवारे यांनी परिश्रम घेतले. अनेक वाहन चालक, वाहकांनी शिबिराचा लाभ घेतला व समाधान व्यक्त केले.
देवेंद्र सिरसाट हिंगणा तालुका नागपूर प्रतिनिधी महाराष्ट्र संदेश न्युज ! ऑनलाईन नागपूर:- महाराष्ट्र राज्याचे मुख्यमंत्री…
मानवेल शेळके नाशिक जिल्हा प्रतिनिधी महाराष्ट्र संदेश न्युज ! ऑनलाईन नाशिक:- येथून एक खळबळजनक घटना…
* सरकारच्या अपयशाचा मांडणार लेखाजोखा* मधुकर गोंगले,गडचिरोली जिल्हा प्रतिनिधी.मो. नं.9420751809 गडचिरोली :: गडचिरोली जिल्हा काँग्रेस…
मुकेश चौधरी कार्यकारी संपादक महाराष्ट्र संदेश न्युज ! ऑनलाईन हिंगणघाट:- दिनांक: 17 सप्टेंबर 2024 रोज…
खासदार अमर काळे, प्रदेश सरचिटणीस अतुल वांदिले यांच्या उपस्थितीत केला राष्ट्रवादित पक्ष प्रवेश. मुकेश चौधरी…