वंचित बहुजन आघाडीची करडगाव येथे शाखेची स्थापना; मोठ्या थाटात फलकाचे अनावरण.

सखाराम जाधव, घनसावंगी तालुका प्रतिनिधी

महाराष्ट्र संदेश न्युज ! ऑनलाईन करडगाव:- वंचित बहुजन आघाडीचे अध्यक्ष ॲड. प्रकाश आंबेडकर यांच्या कार्यावर विश्वास ठेऊन करडगाव येथे वंचित बहुजन आघाडीची शाखा स्थापन करण्यात आली आहे. करडगाव शाखा अध्यक्ष म्हणून महेंद्र दत्तूराव उघडे व उप अध्यक्ष म्हणून ज्ञानदेव काळे याची वर्णी लागली आहे.

वंचित बहुजन आघाडी प्रधानमंत्री नरेंद्र मोदी आणि भाजपला सत्तेतून खाली खेचण्यासाठी प्रयत्न करीत असतांना लोकसभा निवडणुकीच्या तोंडावर वंचित बहुजन आघाडीत मोठ्या प्रमाणात ॲड. प्रकाश आंबेडकर पूर्ण सक्रिय झाले आहे. राज्यात अनेक ठिकाणी लाखोंच्या सभा आयोजित करण्यात येत आहे.

वंचित बहुजन आघाडीच्या वतीने संपूर्ण राज्यभर गावो गावी… गाव तेथे शाखा उघडण्याचा धडाका सुरु आहे, दरम्यान करडगाव येथे दिनांक 24 जानेवारी रोजी शाखा स्थापन करून फलकाचे अनावरण मोठ्या थाटात करण्यात आले. यावेळी अनेक वंचित बहुजन आघाडीचे नेते कार्यकर्ते व गावातील नागरिकांनी उपस्थित होते. यावेळी नवनिर्वाचित शाखेच्या पदाधिकाऱ्यांना पुढील वाटचालीच्या शुभेच्या देण्यात आल्या.

वंचित बहुजन आघाडीचे सर्वेसर्वा ॲड.बाळासाहेब आंबेडकर यांच्या स्वप्नातील महाराष्ट्र घडवण्याचा चंग उराशी बाळगून करडगाव येथील तरुणांनी शाखा स्थापन करत फलकाचे अनावरन मोठ्या थाटात करण्यात आले.