माजलगाव येथे ट्रक व दुचाकीची जोरदार धडक दुचाकीस्वार माय लेकाचा जागीच मृत्यू.

श्याम भूतडा, बीड जिल्हा प्रतिनिधी

महाराष्ट्र संदेश न्युज ! ऑनलाईन माजलगाव:- येथून एक भीषण अपघाताची माहिती समोर आली आहे. माजलगाव ते गढी रोडवरील माऊली फाट्या जवळ ऊस वाहतूक करणाऱ्या ट्रॅकचा व दुचाकीची समोरासमोर धडक होऊन भीषण अपघात झाला. यामध्ये दुचाकीवरील माय लेकरांचा जागीच मृत्यू झाल्याची घटना काल (दि.4) रोजी संध्याकाळी 8 वाजताच्या सुमारास घडली.

मिळालेल्या माहितीनुसार, काल (दि.4) रोजी रात्री 8 वाजताच्या दरम्यान माजलगाव-गढी रोडवर माऊली फाटा (हारकी लीमगाव) येथे ऊस वाहतूक करणारा ट्रक व दुचाकीचा अपघात झाला. यामधे दुचाकीवरील भागवत उर्फ पप्पु सुभाष इंगळे वय 22 वर्षे व मालन सुभाष इंगळे वय 47 वर्षे, रा.राजेगाव हे माय लेक जागीच ठार झाल्याची घटना घडली. या अपघातामुळे इंगळे कुटुंबियांवर दुःखाचे डोंगळ कोसळले असून राजेगाव गावात शोककळा पसरली आहे.

या अपघाताची माहिती मिळताच पोलीस अधिकारी घटनस्थळी दाखल झाले. पोलिसांनी दोन्ही मृत्यदेहाचा पंचनामा करून मृतदेह शवविच्छेदन करण्यासाठी माजलगाव ग्रामीण रुग्णालयात पाठवले. पुढील तपास पोलीस करत आहे.