अल्पवयीन घरकाम करण्याऱ्या मुलीवर घर मालकाकडून बलात्कार, मुलगी गर्भवती.

पुणे जिल्हा प्रतिनिधी

महाराष्ट्र संदेश न्युज ! ऑनलाइन पुणे:- येथून एक संतापजनक घटना समोर आली आहे. घरकाम करणाऱ्या एका अल्पवयीन मुलीसोबत जबरदस्तीने शारीरिक संबंध ठेवले. यातून मुलगी गरोदर राहून तिने एका बाळाला जन्म दिल्याची धक्कादायक घटना समोर आली आहे. या मुली बरोबर हा प्रकार मुंबईतील डोंबिवली ईस्ट येथील एका सोसायटीत घडला आहे. याप्रकरणी कोंढवा येथे राहणाऱ्या पीडित मुलीने मंगळवारी (दि.20) फिर्याद दिली आहे. पोलिसांनी आरोपी विरोधात पोक्सो कायद्यांतर्गत गुन्हा दाखल केला आहे. हा प्रकार मे 2023 मध्ये घडला आहे.

याबाबत कोंढवा खुर्द येथे राहणाऱ्या 18 वर्षीय पीडित मुलीने कोंढवा पोलीस स्टेशन मध्ये तक्रार दिली आहे. यावरुन डोंबिवली ईस्ट येथील वामन वजे हाईट्स मध्ये राहणाऱ्या एका व्यक्तीवर आयपीसी 376, 506 सह पोक्सो कायद्यांतर्गत गुन्हा दाखल केला आहे.

पोलिसांनी दिलेल्या माहितीनुसार, पीडित मुलीचे वडील आरोपी राहात असलेल्या मानपाडा सर्कल येथील वामन वजे हाईट्समध्ये कामाला होते. पीडित मुलगी वडिलांना मदत करण्यासाठी बिल्डिंगमध्ये घरकाम करण्यासाठी जात होती. मुलगी आरोपीच्या घरात घरकाम करत असल्याने दोघांची ओळख झाली होती. मे 2023 रोजी पीडित मुलगी बिल्डिंगच्या टेरेसवर पाणी बंद करण्यासाठी गेली होती. त्यावेळी आरोपी टेरेसवर आला. त्याने मुलगी अल्पवयीन असल्याचे माहित असताना तिच्यासोबत अश्लील चाळे करुन तिच्यासोबत जबरदस्तीने शारीरिक सबंध ठेवले.

यानंतर आरोपी मुलीला याबाबत कोणाला काही सांगितले तर घरच्यांना जीवे मारण्याची धमकी दिली. दरम्यान, मुलगी गरोदर राहून तिने बाळाला जन्म दिला. पीडित मुलीच्या तक्रारीवरुन कोंढवा पोलिसांनी आरोपीविरोधात गुन्हा दाखल केला आहे. हा गुन्हा डोंबिवली पोलिसांकडून कोंढवा पोलिसांकडे वर्ग करण्यात आला आहे. पुढील तपास महिला पोलीस उपनिरीक्षक स्नेहल जाधव करीत आहेत.