जि.प.माजी अध्यक्ष अजय कंकडालवार यांनी आत्राम कुटुंबाला सांत्वन भेट देत केली आर्थिक मदत..!!

अंतिम संस्कारासाठी केले आर्थिक मदत..!!

मधुकर गोंगले, अहेरी तालुका प्रतिनिधी

अहेरी :- काटेपल्ली येथील पूजा उमेश आत्राम या महिलेचा पोटाच्या आजारामुळे मृत्यु झाला. घरची परिस्थिती बेताची गरिबीची असल्यामुळे या कुटुंबावर दुःखच कोसळले. या दुःखाच्या खाईत त्या कुटुंबाला गडचिरोली जिल्हा परिषदचे माजी अध्यक्ष अजय कंकडालवार सहारा मिळाला.

समाजातील सर्व गरीब दीनदुबळ्या लोकांच्या कल्याणार्थ केलेले कार्य हे जिल्हा परिषदचे माजी अध्यक्ष अजय कंकडालवार यांना अभिप्रेत असून विविध प्रकारे हे सेवाकार्य करत आहे. केवळ स्वत:ला पुण्य मिळावे, म्हणून समाजातील सर्वांना साहाय्य करणे किंवा दीनदुबळ्यांची सेवा करणे हे त्यांच्या समाजकार्य आहे.

पूजा उमेश आत्राम या महीलाचा मृत्यू झाल्याची बातमी माजी जि.प.अध्यक्ष अजय कंकडालवार यांना कळताच त्यांनी काटेपल्ली येथे जाऊन आत्राम कुटुंबाची भेट घेऊन पुढील कार्यक्रमासाठी आर्थिक मदत केली.यावेळी महेश लेकुर, लक्ष्मण आत्राम, गणेश मडावी, लालशाई आत्राम, विलास आत्राम, लक्ष्मण सडमेक, इस्पत गावळे व आ.वि.स चे संपूर्ण कार्यकर्ते उपस्थित होते..!!