एटापल्ली पोलिसांची धडक कारवाई, अवैध दारूसाठा जप्त 2 आरोपी अटक.

विश्वनाथ जांभूळकर एटापल्ली तालुका प्रतिनिधी

महाराष्ट्र संदेश न्युज ! ऑनलाईन एटापल्ली:- पोलीस स्टेशन एटापल्ली हद्दीतील मिळालेल्या गोपनीय माहितीवरून तुमरगुंडा जाणाऱ्या रोड भांडारकर नाला जवळील झुडपात दोन्ही इसम देशी विदेशी दारू व बियरने भरलेल्या पेटी बाळगून आहेत अशी माहिती मिळाली.

या माहितीच्या आधारावरून उपविभागीय पोलीस अधिकारी चैतन्य कदम यांच्या मार्गदर्शनाखाली पोलीस निरीक्षक नीलकंठ कुकडे व पोलीस स्टाफ सदर ठिकाणी रवाना होऊन पाहिले असता एका मोठ्या झाडाजवळ दोन इसम दिसून आले. यावेळी सदर ठिकाणी 26 बॉक्स रॉकेट संत्रा देशी दारू, 02बॉक्स इम्पेरियल ब्ल्यू, 04 बॉक्स बियर, असा एकूण 3,12,800 रुपयांचा माल मिळून आला असुन जगदीश विठ्ठल कांबळे व साहिल उत्तम रामटेके असे दोन आरोपी मिळून आले आहेत. सदर घटनेच्या अनुषंगाने पोस्ट येथे 10/2024 कलम 65 ,( ड ), 83 मदाका अन्वये गुन्हा दाखल झाला असून पुढील तपास सुरू आहे.