इन्फंट जीजस इंग्लिश हायस्कूल राजुरा येथे पालक – शिक्षक सभा संपन्न.

संतोष मेश्राम, राजुरा तालुका प्रतिनिधी

महाराष्ट्र संदेश न्युज ! ऑनलाईन राजुरा:- इन्फंट जीजस सोसायटी द्वारा संचालित इन्फंट जीजस इंग्लिश हायस्कूल राजुरा येथे पालक – शिक्षक सभा पार पडली. या पालक- शिक्षक सभेचे अध्यक्ष संस्थेचे संचालक अभिजीत धोटे, सभेचे उपाध्यक्ष बादल बेले, सहसचिव सुभाष कोरवटे व मुख्याध्यापिका मंजुषा अलोने, मुख्याध्यापिका सिमरनकौर भंगू, मुख्याध्यापक रफिक अन्सारी, सभेचे सचिव संतोष सागर, धरती नक्षीने आदी मान्यवर उपस्थित होते.

या सभेची सुरुवात मागील सभेचे इतिवृत्त वाचून करण्यात आली. यानंतर सभेला उपस्थित पालकांनी आपले विचार व्यक्त केले. या सत्रात झालेल्या उपक्रमाबाबत व पुढील सत्राबाबत थोडक्यात चर्चा करण्यात आली. या सभेचे सूत्रसंचालन मजहर शेख यांनी केले तर आभार प्रदर्शन ममता पुरटकर यांनी केले. सभा यशस्वी करण्यासाठी सर्व शिक्षक, शिक्षकेतर कर्मचारी यांनी परिश्रम घेतले. यावेळी मोठ्या संख्येने पालक वर्ग उपस्थित होते.