वर्धा जिल्हात अवैध उत्खनन करणारे पोकलँड जप्त, महसूल विभागाची धडक कारवाई.

प्रविण जगताप, वर्धा उपजिल्हा प्रतिनिधी

महाराष्ट्र संदेश न्युज ! ऑनलाईन वर्धा, दि. 21:- देवळी तालुक्यातील सोनेगाव येथे सुभाष तुकाराम हिमटे व इतर दोन यांचे शेत सर्व्हे क्रमांक 246 मध्ये मुरूम या गौणखनिजाचे उत्खनन करणारे पोकलँड प्रशासनातर्फे जप्त करण्यात आले.

गौणखनिजाचे उत्खनन होत असल्याची गुप्त माहिती वर्धेचे उपविभागीय अधिकारी दीपक कारंडे यांना मिळाली. त्याआधारे श्री. कारंडे हे घटनास्थळी पोहचतात 4 टिप्पर पसार झाले तसेच उत्खनन करणारा पोकलँड यावेळी जप्त करण्यात आला असून देवळी तहसील कार्यालयात आणण्यात आला.

सार्वजनिक बांधकाम उपविभाग, देवळी व महसूल विभाग यांचे संयुक्त पथकाने घटनास्थळी उपस्थित राहून तांत्रिक पध्दतीने मोजमाप करुन एकूण किती ब्रास उत्खनन करण्यात आले याबाबचा अहवाल मागविण्यात येणार असून कसूरदार यांचेवर दंडात्मक कारवाई करण्यात येणार असल्याचे तहसीलदार दत्तात्रय जाधव यांनी कळविले आहे.