हिंगणघाट बैल बंडीने अवैध दारूची तस्करी, पोलीसांची धडक कारवाई लाखोंचा मुद्देमाल जप्त.

अनिल कडू विशेष प्रतिनिधी हिंगणघाट

महाराष्ट्र संदेश न्युज ! ऑनलाईन हिंगणघाट:- तालुक्यात बैल बंडीने अवैध दारूची तस्करी सुरू असल्याची खळबळ जनक माहिती समोर आली आहे. त्यात हिंगणघाट पोलिसांच्या गुन्हे प्रकटीकरण पथकाने धडक कारवाई करत 2 आरोपींना बेड्या ठोकल्या आहे. यावेळी पोलिसांनी दारूबंदी कायद्यान्वये केलेल्या कारवाईत दारू सहित 3 लाख 11 हजार रूपयाचा मुद्देमाल जप्त केला.

हिंगणघाट पोलिसांना मिळालेल्या सुचणे वरून मौजा सावली वाघ येथील बाबा मुकींदराव मन्ने वय 67 वर्ष हे त्यांचे ताब्यातील बैल बंडीने देशी दारूची सावली वाघ कडुन सेलु मुरपाड कडे वाहतुक करीत असल्याची माहिती मिळाली होती. या माहिती वरून वरून भापोसे परीवीक्षाधिन वृष्टी जैन मँडम ठाणेदार पोलीस स्टेशन हिंगणघाट) याचे निर्देशाप्रमाणे पोलीसानी नाकेबंदी करून प्रो-रेड केला केला. यात बाबा मन्ने हा त्याच्या बैल बंडीने देशी दारूची वाहतुक करतांना आढळून आला. पोलिसांनी त्याच्या ताब्यामधुन एकुन 17 देशी दारू भरून असलेल्या खर्ड्याचे खोक्यात 90 एम एल च्या एकुण 1700 प्लास्टीकच्या शिश्या, बंडी, व मोबाईल असा एकुण 1,86,000 रू चा मुद्दे माल जप्त केला.

यावेळी आरोपीने पोलिसाना दिलेल्या बायाणा वरून सदर दारूचा माल हा त्यांचा मुलगा आरोपी क्र 2) प्रकाश उर्फ गोलु बाबाराव मन्ने रा. सावली वाघ याचा असुन त्याचे सांगण्यावरुनच दारूची वाहतुक करीत असल्याची माहिती सांगितली. पोलिसांनी दोन्ही आरोपी विरूध्द हिंगणघाट पोलीस स्टेशन येथे दारूबंदी कायद्यान्वये गुन्हा नोंद केला.

तसेच दुस-या कारवाई मध्ये पोलिसांनी नाकेबंदी करून आरोपी 1)नितेश लक्ष्मण गेडाम वय 23 वर्ष रा. महात्मा फुले वार्ड, 2) वि.सं. बालक यांचे ताब्यामधुन 12 प्लास्टीकच्या पन्नीमध्ये एकुण 150 लिटर गांवठी मोहा दारू व मोटर सायकल 220 पल्सर क्र एम एच 49 एन 8730 असा एकुण 1 लाख 25 हजार रुपयाचा माल जप्त केला. सदर दारूचा माल हा आकाश उर्फ लल्ला शिंदे रा.संत चोखोबा वार्ड हिंगणघाट याचा असल्याचे आरोपीने सांगितले. पोलिसांनी मौक्का जप्ती पंचनामा कारवाई करून नमुद दोन्ही आरोपी विरूध्द व वि सं बालक विरूध्द दारूबंदी कायद्यान्वये गुन्हा नोंद केला. या दोन्ही कारवाई मध्ये एकुण 3,11,000 रू चा मुददेमाल माल जप्त करण्यात आला.

सदरची कार्यवाही पोलीस अधिक्षक नरूल हसन, अप्पर पोलीस अधिक्षक सागर कावडे, उपविभागीय पोलीस अधिकारी रोशन पंडीत यांचे मार्गदर्शनात भा. पो. से. वृष्टी जैन ठाणेदार पो स्टे हिंगणघाट याचे निर्देशाप्रमाणे, पोलीस डी बी पथक चे चेतन पिसे, स्वप्नील जिवने, आकाश कांबळे, रविन्द्र आडे यांनी केली.