गडचिरोली जिल्हात अगोदरच रानटी हत्तीने धुमाकूळ, आता 3 महिलांवर 3 अस्वलांनी केला हल्ला.

मधुकर गोंगले, गडचिरोली जिल्हा प्रतिनिधी

महाराष्ट्र संदेश न्युज ! ऑनलाईन गडचिराेली: जिल्हात अगोदरच रानटी हत्तीने धुमाकूळ घातला असून परत एक खळबळजनक घटना समोर आली आहे. गावालगतच्या जंगलात सरपण गाेळा करणाऱ्या तीन महिलांवर तीन अस्वलांनी हल्ला केला. त्यामुळे परिसरात एकच खळबळ माजली आहे.

जंगलात सरपण गाेळा करणाऱ्या तीन महिलांवर तीन अस्वलांनी हल्ला केला यावेळी या महिलाना आरडाओरड केल्याने अस्वलांनी जंगलात धूम ठाेकली. ही घटना पुसिंगटाेला येथे शनिवार, 27 एप्रिल राेजी सकाळी 11 वाजताच्या सुमारास घडली. या महिलांवर भामरागड येथील ग्रामीण रुग्णालयात उपचार सुरू आहेत. या हल्ल्यात जखमी महिलांमध्ये सुनीता विलास उसेंडी, मुंगळी विजा पुंगाटी व सविता रमेश उसेंडी आदींचा समावेश आहे.

भामरागड तालुक्याच्या पुसिंगटोला येथील महिला सरपण गाेळा करण्यासाठी सकाळी 11 वाजेच्या दरम्यान जंगलात गेल्या हाेत्या. गावाला लागूनच हे जंगल आहे. सरपण गाेळा करीत असतानाच सकाळी 11 वाजता या तीन महिलांवर तीन अस्वलांनी हल्ला केला. तेव्हा महिलांनी आरडाओरड सुरू केली. महिलांच्या जाेराच्या आवाजामुळे अस्वलांनी जंगलात धूम ठाेकली. अस्वलांच्या हल्ल्यात महिला किरकाेळ जखमी झाल्या. त्यांना अन्य नागरिकांच्या मदतीने भामरागड येथील ग्रामीण रुग्णालयात उपचारासाठी भरती करण्यात आले. तेथे त्यांच्यावर सध्या उपचार सुरू असून त्यांची प्रकृती धाेक्याबाहेर असल्याचे डाॅक्टरांनी सांगितले.

अस्वलांनी हल्ला केल्याची माहिती परिसरातील नागरिकांनी कळताच एकच दहशत पसरली आहे. यावेळी वन विभागाने त्वरित या अस्वलांचा बंदोबस्त करून नागरिकाच्या जीवाची हानी होणार नाही असे सांगितले.