गडचिरोली: जादुटोण्याच्या संशयावरुन दोघांना पेट्रोल टाकून जिवंत जाळले, पोलीसांनी 14 जणांना ठोकल्या बेड्या.

मधुकर गोंगले, गडचिरोली जिल्हा प्रतिनिधी

महाराष्ट्र संदेश न्युज ! ऑनलाईन गडचिरोली:- जिल्ह्यातील एटापल्ली तालुक्यातून संपूर्ण राज्याला हादरविणारी घटना समोर आली आहे. पुरोगामी महाराष्ट्र राज्याचा वर्धापन दिन धुमधडाक्यात साजरा होत असताना जादुटोण्याच्या संशयावरुन गावकऱ्यांनी एका महिलेस दोन जणांना जीवंत जाळल्याची घटना 1 मे रोजी एटापल्ली तालुक्यातील बारसेवाडा येथे घडली. याप्रकरणी 14 जणांना पोलिसांनी अटक केली आहे. मृतका मध्ये जमनी देवाजी तेलामी असं 57 वर्षीय मृत महिलेचं नाव आहे. तर या महिलेबरोबर आणखी एका व्यक्तीला जाळण्यात आलं त्यांचं नाव देवू कटिया अतलामी असून त्यांचं वय 57 वर्ष होतं.

बरसेवाडा गावात 1 मे च्या रात्री पंचायतीची बैठक झाली त्यावेळीजमनी यांचे भाऊ सादू मासा मुहोंदा हे देखिल त्याठिकाणी उपस्थित होते. त्यामुळंच हे सर्व प्रकरण समोर आलं. बहीण जमनीला ग्रामस्थांबरोबच कुटुंबीय देखिल मारहाण करत असल्याचं पाहून सादू यांनी त्यांना अडवण्याचा प्रयत्न केला. पण जमावानं त्यांच्या अंगावरही पेट्रोल ओतलं, त्यामुळं घाबरून सादू तिथून पळून गेले.

जमनी तेलामी हिच देवू कटिया अतलामी हे वेगवेगळ्या कुटुंबातील असले, तरी ते पुजारी म्हणून काम करीत होते. त्यामुळे ते जादुटोणा करतात, असा काही जणांना संशय होता. अशातच जीवनगट्टा- चंदनवेली मार्गावरील बोलेपल्ली येथील एका महिलेचा गर्भपात झाला. त्यानंतर महिनाभरापूर्वी एक महिन्याच्या मुलीचा मृत्यू झाला. याच कुटुंबातील एका दीड वर्षीय मुलीचा १ मे रोजी मृत्यू झाला. दोघींचाही मृत्यू जननी तैलामी आणि देवू आतलामी यांनी जादुटोणा केल्यामुळे झाला, असा त्या कुटुंबीयांचा संशय होता. त्यामुळे कुटुंबीय काही जणांना सोबत घेऊन 1 मे रोजी रात्री जननी आणि देवूच्या घरी गेले, त्यांनी दोघांनाही बेदम मारहाण केली. यानंतर त्यांना गावाजवळच्या नाल्यात नेऊन जाळले. त्यात गंभीररीत्या भाजल्याने त्यांचा मृत्यू झाला.

याप्रकरणी जननीचा वासामुंडी येथे राहणारा भाऊ शाहू मोहनंदा याने पोलिसांत तक्रार केली. त्यानुसार पोलिसांनी 14 जणांना अटक केल्याची माहिती पोलिस निरीक्षक नीळकंठ कुकडे यांनी दिली. घटनेनंतर अहेरीचे अतिरिक्त पोलिस अधीक्षक एम. रमेश, उपविभागीय पोलिस अधिकारी चैतन्य कदम यांनी घटनास्थळी भेट देऊन पाहणी केली.

पाच महिन्यातील दुसरी घटना: जादुटोण्याच्या संशयावरुन हत्या केल्याची गडचिरोली जिल्ह्यातील पाच महिन्यांतील ही दुसरी घटना आहे. ७ डिसेंबर २०२३ रोजी भामरागड तालुक्यातील गुंडापुरी येथे वृद्ध पती, पत्नी आणि त्यांच्या नातीची गळा चिरुन हत्या करण्यात आली होती. याप्रकरणातही मृतांच्या दोन मुलांना अटक करण्यात आली होती. हे गावसुद्धा एटापल्ली तालुक्याच्या सीमेवर आहे. या घटनेनंतर आता बारसेवाडा येथे हत्याकांड झाल्याने जिल्हा हादरला आहे.