आईने केलं सराईत चोर असलेल्या मुला बरोबर भलतचं कांड, मुंबई पोलीसही चक्रावले.

राज शिर्के मुंबई शहर प्रतिनिधी

महाराष्ट्र संदेश न्युज ! ऑनलाईन मुंबई:- येथून एक खळबळजनक माहिती समोर आली आहे. येथे मुंबई पोलिसांनी एका सराईत चोराला अटक केली आहे. यावेळी या आरोपी चोराची चौकशी केली असता अनेक खळबळजनक खुलासा समोर आले आहे. आरोपी चोर कृष्णा रवी म्हैसकर वय 24 वर्ष याला पोलिसांनी अटक केली या प्रकरणात चोरी करणाऱ्या आरोपीची आई गुन्हा करण्यापूर्वी त्याला ड्रग्ज देत असे, असं पोलीस तपासात समोर आलं आहे. यानंतर तो नशेत हे गुन्हे करत असे.

पोलीस सूत्रांनी दिलेल्या माहितीनुसार आरोपी कृष्णा रवी म्हैसकर त्याच्यावर मुंबईतील विविध पोलीस स्टेशन मध्ये चोरी आणि घरफोडीचे 22 हून अधिक गुन्हे दाखल आहेत. या प्रकरणाचा तपास सुरू असताना पोलिसांसमोर धक्कादायक बाब आली. हे जाणून पोलिसांनाही आश्चर्य वाटलं. काळाचौकी पोलीस स्टेशनचे उपनिरीक्षक राजेंद्र चव्हाण म्हणाले कृष्णा म्हैसकर हा एक सराईत गुन्हेगार आहे. त्याच्या सर्व गुन्हेगारी कारवायांमध्ये त्याची आई विजेता म्हैसकर वय 50 वर्ष हिची महत्त्वाची भूमिका होती. चोरीपूर्वी ती त्याला अमली पदार्थ द्यायची. इतकंच नाही तर चोरीतून मिळालेल्या वस्तू आणि पैसे ती स्वतःकडे ठेवायची.

आई आणि मुलगा मध्य मुंबईतील काळाचौकी भागातील रहिवासी असल्याचे त्यांनी सांगितले. आग्रीपाडा परिसरातून कृष्णा रवी म्हैसकरला अटक करण्यात आली, तर आई विजेता म्हैसकर फरार आहे. तिला पकडण्यासाठी पोलीस अनेक ठिकाणी छापे टाकत आहेत. पोलीस या प्रकरणाचा तपास करत आहेत.