हिंगणघाट तालुक्यात रेती वाहतूक करणाऱ्या टीप्परच्या धडकेत एक व्यक्ती जाग्यावर ठार.

हिंगणघाट तालुकाच्या मांडगाव रेती घाट वरून टिप्पर जाताना घडली दुर्घटना.

अनिल कडू विशेष प्रतिनिधी हिंगणघाट

महाराष्ट्र संदेश न्युज ! ऑनलाईन हिंगणघाट:- हिंगणघाट पोलीस स्टेशन हद्दी च्या तरोडा गावातील चौकात रेती भरून नेणाऱ्या टिप्परने मालवाहक ऑटोला जोरदार धडक दिली. या धडकेत ऑटो चालकाचा जागेवरच मृत्यू झाला.

मिळालेल्या माहिती नुसार मांडगाव रेतीघाट वरून अमरावती ला रेती नेणाऱ्या टिप्परने मालवाहक ऑटोला तरोडा गावच्या चौकात जोरदार धडक दिली. ज्यात ऑटो चालकचा जागेवरच मृत्यू झाला. शाहरुख अख्तर खान पठान वय 40 वर्ष असे मृतकाचे नाव आहे.

याघटनेनंतर टिप्पर चालक दत्ता नांदे निवासी नांदुरा जिला अमरावती दुर्घटना स्थळा वरून फरार झाला. तर क्लिनर संकेत विजय हिवराळे निवासी पिंपळखुटा अरमड तालुका जिला अमरावती याला पोलिसांनी टिप्पर सहित ताब्यात घेतले. टिप्परचा मालक शिवा खवड अमरावती असल्याचे कळते.

यावेळी पोलिसांनी मृतकाचे मृतदेह शवविच्छेदना साठी हिंगणघाट उपजिला रुग्णालयात नेण्यात आले. पुढील चौकशी हिंगणघाट पुलिस करीत आहे.