अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- हिंगणघाट येथील उपजिल्हा रुग्णालयाच्या जिल्हा दर्जाच्या मुख्य इमारतीच्या अंदाजपत्रक व बांधकामासाठी प्रशासकिय मान्यता देण्यात आली असून चारशे खाटां साठी १५१ कोटींचा निधी आ. समीर कुणावार यांच्या पाठपुराव्याने मंजुर करण्यात आला आहे.
राज्यात नवीन शासकीय वैद्यकीय महाविद्यालयाची घोषणा झाल्यानंतर आ. कुणावार यांनी वर्धा जिल्ह्यात होणारे प्रस्तावित शासकिय वैद्यकिय महाविद्यालय हिंगणघाटमध्ये आणण्यासाठी पाठपुरावा केला होता. सदर कॉलेजची मान्यता घेण्यासाठी ४०० खाटांचे रुग्णालय आवश्यक असण्याची बाब त्यांच्या लक्षात आली होती. कसेही करून शासकीय वैद्यकीय महाविद्यालय हिंगणघाटला आणायचे याचा चंग आ. कुणावार यांनी बांधला. आणि ४०० खाटांचा रुग्णालयाचा प्रवास सुरू झाला व तो मंजूर करून घेण्यासाठी त्यांनी कसोशीने प्रयत्न केले. उपमुख्यमंत्री देवेंद्र फडणवीस व आरोग्य मंत्री तानाजी सावंत यांनी त्यांची मागणी मान्य करत ४०० खाटांच्या रूग्णालयाला मान्यता दिली होती. तसा शासन निर्णय सुद्धा झाला होता.
पुढे शासन आदेशानुसार प्रशासकीय स्तरावर ४०० खाटांच्या अंदाजपत्रकाचे इमारत आराखड्याचे काम सुरू झाले होते. आचारसंहितेमुळे सदर अंदाजपत्रक मान्यतेची घोषणा लांबणीवर पडली होती. मात्र आता आचारसंहिता संपुष्टात येताच आ. कुणावार यांनी मुंबईला धाव घेत सर्व तांत्रिक सोपस्कार पार पाडत ४०० खाटांच्या रुग्णालय बांधकामाकरिता प्रशासकीय मान्यता व १५१ कोटी रुपये मंजूर करून घेतले असून याचा तथा ०७ जून रोजी चा शासन निर्णय त्यांना नुकताच प्राप्त झालेला आहे.
राज्य सरकारने सदर रूग्णालयाच्या बांधकाम अंदाजपत्रक व आराखड्यासाठी १५१ कोटींचा निधी उपलब्ध करून दिल्याबद्दल राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, आरोग्य मंत्री तानाजी सावंत यांचे आ. समीर कुणावार यांनी आभार मानले आहेत. या निर्णयामुळे हिंगणघाट येथे शासकीय वैद्यकीय महाविद्यालयाचा मार्ग सुकर झाला आहे.
मानवेल शेळके नाशिक जिल्हा प्रतिनिधी महाराष्ट्र संदेश न्युज ! ऑनलाईन नाशिक:- येथून एक खळबळजनक घटना…
* सरकारच्या अपयशाचा मांडणार लेखाजोखा* मधुकर गोंगले,गडचिरोली जिल्हा प्रतिनिधी.मो. नं.9420751809 गडचिरोली :: गडचिरोली जिल्हा काँग्रेस…
मुकेश चौधरी कार्यकारी संपादक महाराष्ट्र संदेश न्युज ! ऑनलाईन हिंगणघाट:- दिनांक: 17 सप्टेंबर 2024 रोज…
खासदार अमर काळे, प्रदेश सरचिटणीस अतुल वांदिले यांच्या उपस्थितीत केला राष्ट्रवादित पक्ष प्रवेश. मुकेश चौधरी…
*मातृशक्ती, नारीशक्तीचा, ता.चामोर्शीत मा.खा. अशोकजी नेते यांच्या पुढाकाराने भव्य महिला मेळावा आयोजित* *मधुकर गोंगले, गडचिरोली…