दोन मोटार सायकलची समोरा समोर जोरदार धडक झाली, एकाचा मृत्यू तर एक गंभीर जखमी.

विश्वनाथ जांभूळकर एट्टापल्ली तालुका प्रतिनिधी

महाराष्ट्र संदेश न्युज ! ऑनलाईन एट्टापल्ली:- तालुक्यातील जीवनगट्ट ते दोड्डी रोड दरम्यान दोन मोटारसायकलची समोरासमोर धडक झाली. या अपघातात मोटारसायकलवरील एक जण ठार झाल्याची घटना आज बुधवार दुपारी 12.00 वाजण्याच्या सुमारास घडली.

रितेश चैत्तू बोगामी वय 20 वर्ष हे आपल्या मोटार सायकल HF डिलक्स क्र. एम.एच. 33 एक्स 7154 जीवनगट्ट ते दोड्डी निघाले होते. तर रोहित दुलसा हेडो हे आपल्या HF डिलक्स आपल्या मोटार सायकल क्रमांक नाही ने येत होते. जीवनगट्ट ते दोड्डी मार्गावर दोन्ही मोटार सायकलची समोरा समोर धडक झाली. ही धडक एवढी जोरात झाली की अपघातात दोन्ही मोटार सायकल चालक गंभीर जखमी झाले. रितेश चैत्तू बोगामी यांचा मृत्यू झाला.

या अपघाताची माहिती मिळताच पोलीस घटनास्थळी दाखल झाले. यावेळी पोलिसांनी पंचनामा करून मृतदेह शविच्छेदनासाठी रुग्णालयात पाठवला. पोलीस पुढील कारवाई करत आहे.