मातोश्री आशाताई कुणावार महिला महविद्यालय हिंगणघाट येथे आंतरराष्ट्रीय योग दिन उत्साहात साजरा.

अनिल कडू विशेष प्रतिनिधी हिंगणघाट

महाराष्ट्र संदेश न्युज ! ऑनलाईन हिंगणघाट:- मातोश्री आशाताई कुणावार कला वाणिज्य व विज्ञान महिला महाविद्यालय हिंगणघाट येथे क्रिडा विभाग व राष्ट्रीय सेवा योजना विभागाच्या वतीने आंतरराष्ट्रीय योग दिन उत्साहात साजरा करण्यात आला. प्रसंगी कार्यक्रमाचे अध्यक्ष म्हणून डॉ उमेश तुळसकर प्राचार्य मातोश्री महिला महाविद्यालय हिंगणघाट तर अतिथी व मार्गदर्शक म्हणून विजय धात्रक राऊंड ऑफिसर सामाजिक वनीकरण विभाग हिंगणघाट यांची होती. या कार्यक्रमाची सुरुवात दीप प्रज्वलन करून करण्यात आली. प्रसंगी मार्गदर्शक विजय धात्रक यांनी योगाचे महत्त्व समजावुन सांगितले. डॉ. उमेश तुळसकर यांनी स्वस्थ जीवनासाठी योगाचे महत्त्व यावर आपले मत व्यक्त केले.

या कार्यक्रमाचे संचालन प्रा. अभय दांडेकर राष्ट्रीय सेवा योजना कार्यक्रम अधिकारी यांनी तर आभार प्रा. अजय बिरे यांनी मानले. या कार्यक्रमाच्या यशस्वितेसाठी कला वाणिज्य व विज्ञान विभागाच्या सर्व प्राध्यापक, प्राध्यापिका, शिक्षकेत्तर कर्मचारी वृंदानी सहकार्य केले.