अवैध वृक्षतोड करणे पडले लाखोच्या घरात, हिंगणघाट येथील विद्यालयाच्या मुख्याध्यापका कडून नगर पालिकेने केला 2 लाख रुपये दंड वसूल.

वृक्षमित्र परिवाराच्या निवेदनाची जिल्हाधिकाऱ्यांनी घेतली दखल, एस. एस. एम. कन्या विद्यालयाच्या मुख्याध्यापकाकडून नगर परिषद हिंगणघाट ने केला दोन लाख रुपये दंड वसूल

मुकेश चौधरी कार्यकारी संपादक

महाराष्ट्र संदेश न्युज ! ऑनलाईन हिंगणघाट:- शहरातील नामांकित एस.एस.एम. कन्या विद्यालयामध्ये मुख्याध्यापकांच्या आदेशाने विनापरवानगी 8 वृक्षांची अमानुषपणे कत्तल केल्याचे वृक्षमित्र परिवाराच्या निदर्शनास आल्याने वृक्षमित्र परिवाराने मुख्याधिकारी नगरपरिषद हिंगणघाट यांना निवेदन देऊन संबंधितावर कठोर कारवाई करण्याची मागणी केली परंतु नगर परिषद प्रशासनाने कारवाई संथगतीने केल्यामुळे वृक्षमित्र परिवाराने जिल्हाधिकारी वर्धा यांचेकडे तक्रार केली होती.

जिल्हाधिकारी यांना तक्रार प्राप्त होताच तात्काळ हिंगणघाट नगर परिषदचे मुख्याधिकारी यांच्याशी फोन द्वारे संपर्क करून सदर मुख्याध्यापकांवर कठोर कारवाई करण्याचे आदेश देण्यात आले. नगर परिषदेने झाडांचे संरक्षण व जतन अधिनियम 1975 अन्वये कारवाई प्रस्तावित करून मुख्याध्यापकास 25 हजार रुपये प्रती झाडाप्रमाणे एकूण 2 लाख रूपये दंड देण्यात आला. आणि अधिनियम 1975 कलम 21 गुन्हा का दाखल करण्यात येऊ नये या बाबत खुलासा मागविण्यात आला. संबधित मुख्याध्यापकांनी 24 जून ला नगर परिषद मध्ये 2 लाख रुपये धनादेशाद्वारे दंड भरला.

सदर कारवाईमूळे अमानुषपणे वृक्षतोड करणाऱ्यांमध्ये भितीचे वातावरण निर्माण होईल व वृक्षतोडीस आळा बसेलअसा विश्वास ठेवीत नगर परिषद प्रशासनाने केलेल्या कठोर कारवाई बद्दल वृक्षमित्र परिवार व पर्यावरण प्रेमीने समाधान व्यक्त केले.