चंद्रपूर जिल्हातील बाबा आमटे यांच्या आनंदवन आश्रमात प्रेम प्रकरणात विवाहित महिलेची सपासप वार करून हत्या.

हनिशा दुधे, चंद्रपूर जिल्हा ग्रामीण प्रतिनिधी

महाराष्ट्र संदेश न्युज ! ऑनलाईन चंद्रपूर:- जिल्ह्यातील वरोरा येथून एक खळबळजनक घटना समोर आली आहे. येथील प्रसिद्ध समाज सेवक बाबा आमटे यांनी कुष्ठरोग्यांसाठी स्थापन केलेल्या आनंदवन आश्रमात एका घटस्फोटित महिलेची हत्या करण्यात आल्याची घटनेने संपूर्ण वरोरा शहरात खळबळ उडाली आहे. आरती चंद्रवंशी वय 25 वर्ष असं मृत तरुणीचं नाव आहे. ही घटस्फोटित महिला बाबा आमटे यांच्या आनंदवन आश्रमात पुनर्वसित दिव्यांगांच्या वसाहतीमध्ये आई-वडिलांसोबत राहत होती. 24 तासात या हत्येचा घटनेचा छडा लावत पोलिसांनी संशयित आरोपीला बेड्या ठोकल्या असून समाधान माळी रा.जळगाव असे आरोपीचे नाव आहे.

पोलीसांनी दिलेल्या माहितीनुसार, कुष्ठरोग्यांची सेवा ही जनसेवा म्हणून कार्य करणाऱ्या वरोरा येथील आनंदवनातील आश्रमात मृत तरुणीचे आई-वडील राहत होते. त्यांच्यासोबत २४ वर्षीय आरती राहत होती. आई-वडिलांचा उपचार करतेवेळी आरतीचे प्रेम संबंध जळगाव जिल्ह्यातील चोपडा तालुक्यात राहणाऱ्या समाधान माळी या युवकासोबत जुळले. समाधान हा स्वतःचा उपचार आनंदवनात करण्यासाठी आला होता, विशेष म्हणजे उपचार घेत तो केअर टेकरचे कामही करायचा.

आनंदवनाच्या आश्रमात राहताना आरोपी समाधान व मृतक आरतीचे प्रेमसंबंध सहा महिन्यापासून सुरू होते. मात्र त्यानंतर आरतीचे लक्ष भरकटले व दुसऱ्या युवकासोबत तिचे प्रेम संबंध जुळले. याची माहिती समाधान याला लागली. त्यामुळे दोघात वाद सुरू झाले. सहा महिने चाललेल्या प्रेमावरून दोघांमध्ये चांगलाच वाद रंगला.

हत्या करण्यात आलेल्या आरतीचे आई वडील बुधवारी वर्धा जिल्ह्यातील सेवाग्राम येथे काही कामानिमित्त गेले होते. याबाबत समाधानला माहिती मिळाली. त्यानंतर त्याने आरतीच्या घरी जावून वाद घातला. वादाचे रुपांतर भांडणात झाले. यावेळी राग अनावर झाल्याने समाधानने सोबत आणलेल्या चाकूने आरतीच्या गळ्यावर, हातावर सपासप वार केले. अति रक्तस्त्राव झाल्याने आरती जागीच मृत्यू झाला. यावेळी पोलिसांनी तंत्रज्ञान व ह्युमन इंटेलिजन्स च्या आधारे 24 तासाच्या आत आरोपी समाधान माळी याला बेड्या ठोकल्या आहे.