गोळीबारच्या घटनेने बीड जिल्हा हादरला, राष्ट्रवादी अजित पवार गटाच्या सरपंचाचा गोळीबारात मृत्यू तर दोघं गंभीर जखमी.

श्याम भुतडा, बीड जिल्हा प्रतिनिधी

महाराष्ट्र संदेश न्युज ! ऑनलाईन बीड:- गोळीबारच्या घटनेने संपूर्ण बीड जिल्हा हादरला आहे. परळी येथील बँक कॉलनीत परिसरात गोळीबार झाल्याची खळबळजनक घटना घडली आहे. यामध्ये एक ठार तर एक गंभीर जखमी असल्याचे माहिती समोर आली आहे. या गोळीबारात मरळवाडीचे सरपंच बापू आंधळे यांचं निधन झालं आहे. या घटनेने परिसरात एकच खळबळ उडाली आहे.

परळी येथील बँक कॉलनीत परिसरात गोळीबार झाल्याची घटना समोर आली आहे. यामुळे परिसरात एकच खळबल माजली आहे. या गोळीबारात एकाचा जागीच मृत्यू झाला आहे, तर आणखी दोन व्यक्ती गंभीर जखमी झाले असून त्याच्या जवळील परळी जिल्हा रुग्णालयात उपचार सुरु आहेत. अजित पवार गटातील धनंजय मुंडे समर्थकाचा मृत्यू झाला आहे.

या गोळीबारात राष्ट्रवादी काँग्रेस अजित पवार गट धनंजय मुंडे समर्थक मरळवाडीचे विद्यमान सरपंच बापूराव आंधळे यांचा जागीच मृत्यू आहे, तर नंदागौळ येथील ग्यानबा मारोती गित्ते जखमी झाले आहेत. दरम्यान, हा गोळीबार नेमक्या कोणत्या कारणामुळे झाला आणि कुणी केला याबाबत अद्याप कोणतीही माहिती समोर आलेली नाही. या प्रकरणाचा पोलिसांकडून तपास सुरु आहे.

काय आहे हे प्रकरण? परळी शहरांमध्ये रात्री झालेल्या गोळीबारामध्ये मरळ वाडीचे सरपंच बापू आंधळे यांचा जागीच मृत्यू झाला, तर नंदागौळ येथी लराष्ट्रवादी काँग्रेस शरद पवार गटाचे नेते ग्यानबा मारोती गित्ते जखमी आणि महादेव गीते हे दोघे गोळीबारात गंभीर जखमी झाले आहेत जखमीवर अंबाजोगाईच्या स्वामी रामानंद तीर्थ वैद्यकीय महाविद्यालयामध्ये उपचार सुरू आहेत.

मृत झालेले बापू आंधळे हे राष्ट्रवादी काँग्रेस अजित पवार गटात धनंजय मुंडे यांच्या नेतृत्वात काम करत आहेत त्यासोबतच जखमी झालेले ज्ञानबा गीते हे सुद्धा धनंजय मुंडे यांचे समर्थक आहेत तर तिसरे जखमी महादेव गीते हे बबन गीते जे राष्ट्रवादी काँग्रेस शरद पवार गटाचे नेते आहेत त्यांचे समर्थक आहेत.

हा गोळीबार नेमका कोणत्या कारणाने झाला अथवा कोणी कुणावर गोळी झाडली हे अद्याप समजू शकले नाही ही घटना घडल्यानंतर घटनास्थळी पोलीस पोहोचले मात्र अद्याप घटना कशामुळे घडली आणि कुणी घडवली हे पुढे येऊ शकलेलं नाही.