अहेरी – सिरोंचा महामार्गावरील गोलाकर्जी गावाजवळ दुचाकीच्या अपघातात शिक्षक गंभीर जखमी.

मधुकर गोंगले, गडचिरोली जिल्हा प्रतिनिधी

महाराष्ट्र संदेश न्युज ! ऑनलाईन अहेरी:- अहेरी – सिरोंचा महामार्गावरील गोलाकर्जी गावाजवळ आज सकाळी 10.30 वाजताच्या सुमारात कमलापूरच्या भगवंतराव शाळेचे सहायक शिक्षक सुनील तूरकर यांची दुचाकी रस्त्यावरून नियंत्रण सुटल्याने अपघात झाला या अपघातात शिक्षक सुनील तूरकर गंभीर जखमी झाले आहेत.

अहेरी सिरोंचा मार्गाचे काम अतिशय संथ गतीने सुरु आहे. याच्यामुळे या मार्गांवर अपघाताची मालिका वाढली आहे. प्रवाश्याना जीव मुठीत घेऊनच प्रवास करावा लागतो. पावसाळा सुरु झाल्याने व रस्ता दुरुस्ती चे काम सुरु असल्याने रस्त्यावर चिखल माती आली आहे. त्यामुळे या रस्त्यावर पाऊस आला की दुचाकी चालवणे कठीण झाले आहे. या अपघात दुसरे शिक्षक प्रवीण चौधरी हे सुद्धा किरकोड जखमी झाले आहेत. पंचायत समिती अहेरी चे विशेष शिक्षक नागरे सर व इतर नागरिकांनी वेळीच धाव घेत जखमीना आलापल्ली येथील खाजगी रुग्णालयात दाखल केले. शिक्षक सुनील तूरकर यांच्यावर उपचार सुरु आहे. अहेरी उपविभागात अपघाताची मालिका दररोज सुरु आहे. खराब रस्त्यामुळे आणखी किती लोकांचा बळी जाते? असा प्रश्न सामान्य जनतेला पडला आहे.