राष्ट्रीय महामार्गावरील वणा नदीच्या पुला समोर चौघांनी दुचाकीस्वाराला लुटले, ५० हजार रुपये घेऊन चोरटे पसार

अनिल कडू विशेष प्रतिनिधी हिंगणघाट

महाराष्ट्र संदेश न्युज ! ऑनलाईन हिंगणघाट:- हिंगणघाट शहरातील नागपूर हैदराबाद राष्ट्रीय महामार्ग क्रमांक 4 वरील वणा नदीच्या पुला समोर एक खळबळजनक घटना समोर आली आहे. येथे शनिवारी दुपारी 1 वाजताच्या सुमारास 4 अज्ञातांनी दुचाकीस्वारा जवळील 50 हजार रुपये घेऊन पसार झाल्याची माहिती आज रविवारी पोलिसांकडून प्राप्त झाली आहे.

पोलिसांकडून मिळालेल्या माहितीनुसार साहेबराव झोंटीग व त्यांचा मुलगा समिर झोंटीग राहणार आजनगाव हे दुचाकी क्रमांक एम एच 32 एल 4735 या वाहनाने हिंगणघाट वरुन 50 हजार रुपये घेऊन जात असताना त्यांचे पाठीमागुन येणाऱ्या पांढऱ्या रंगाची कार ज्या मध्ये दोन भगवे कपडे धारी एक नागोडा बाबा व वाहन चालक असे कार मध्ये येवुन दुचाकी स्वारांना आश्रमा बाबत माहीतीचा बहाना करुन थांबण्याचा ईशारा केला. दुचाकी वाहन रोडच्या कडेला थांबले असता वाहनातुन दोन भगवे धारी इसम वय 32 ते 35 वर्ष व नागोडा बाबा वय अंदाचे 45 वर्ष असे कारचे खाली उतरले. भगवेधारी कपड्यातील एका इसमाने हात मागे पकडुन दुस-या इसमाने अंगावरील कपडे चेक कडुन पॅन्टच्या डावे खिशात रोख असलेले 50 हजार रुपये जबरिने हिसकावुन वाहनात बसुन पसार झाले.

याबाबत हिंगणघाट पोलीस स्टेशन येथे तक्रार दाखल करण्यात आली असून. अज्ञात 4 आरोपी विरुद्ध विविध कलमा अन्वये तक्रार दाखल करून पोलिसांनी तपास सुरू केला आहे.