हिंगणघाट शहरात राष्ट्रवादी शरदचंद्र पवार पक्षात इनकमिंग सुरूच, अतुल वांदिलें यांच्या नेतृत्त्वावर विश्वास ठेऊन शेकडो तरुणांचा राष्ट्रवादीत प्रवेश.

मुकेश चौधरी कार्यकारी संपादक

महाराष्ट्र संदेश न्युज ! ऑनलाईन हिंगणघाट:- हिंगणघाट शहरातील विविध सामाजिक संघटनेत काम करणाऱ्या युवकांनी राष्ट्रवादी काँग्रेस शरदचंद्र पवार पक्षात प्रवेश केला. प्रदेश सरचिटणीस अतुल वांदिले यांच्या प्रमुख उपस्थितीत त्यांनी राष्ट्रवादीचा शेला स्विकारला. पक्ष प्रवेशाचा हा कार्यक्रम शोहेब शेख यांच्या नेतृत्त्वात पार पडला. हिंगणघाट विधानसभा मतदारसंघात दिवसेंदिवस राष्ट्रवादी काँग्रेस शरदचंद्र पवार पक्षात युवकांचे संघटन वाढत आहे. त्यामुळे शहरांतील अनेक युवक, सामाजिक संघटनेत काम करणारी तरुणाई ही पक्षाचे प्रदेश सरचिटणीस अतुल वांदिले यांच्या कार्याला प्रभावित होऊन राष्ट्रवादी पक्षात प्रवेश करीत आहे.

सदर पक्षप्रवेश कार्यक्रम प्रदेश सरचिटणीस अतुल वांदिले यांच्या पक्ष कार्यालयात घेण्यात आला. याप्रसंगी शहराध्यक्ष बालु वानखेडे, वाहतूक सेल जिल्हाध्यक्ष शेखर जाधव, सिंदी रेल्वे युवक शहर अध्यक्ष तुषार हिंगणेकर, हिंगणघाट विधानसभा बूथ अध्यक्ष अमोल बोरकर, जावेद मिर्झा, उमेश नेवारे, सुनील भुते, बंटी बेलखेडे, युगल अवचट, जगदीश बोरकर, अन्सार भाई, जितेंद्र रघाटाटे, संजय गांभुले, सुनील घोडखादे, गजू महाकाळकर, अल्तमेश भाई, आदी उपस्थित होते.

गेल्या काही दिवसांत राष्ट्रवादी काँग्रेस पक्षाला (शरदचंद्र पवार ) तरुणाईचा पाठिंबा मोठ्या प्रमाणात वाढलेला दिसत आहे. त्यामुळे आजही यावेळी समीर ज्ञानचंदानी, ताजु अली, सौरभ भुते, सोनू अली यांच्यासह मोठ्या संख्येने युवकांनी राष्ट्रवादी काँग्रेस शरदचंद्र पवार पक्षात पक्ष प्रवेश केला.