झाडीपट्टी कलावंत संघटनेची कार्यकारिणी पुनर्गठीत.

मधुकर गोंगले, गडचिरोली जिल्हा प्रतिनिधी

महाराष्ट्र संदेश न्युज ! ऑनलाईन आमगाव (वडसा):- झाडीपट्टी मधील संपूर्ण कलावंतांचे एकत्रिकरण, त्या कलावंतांच्या विविध समस्यांचे निराकरण आणि त्या कलावंतांच्या प्रगतीसाठी अनेक मार्गांची निर्मिती करता यावी या उद्देशाने निर्माण करण्यात आलेल्या झाडीपट्टी कलावंत संघटनेची सभा दिनांक १८ ऑगस्ट २०२४ रोजी सकाळीं ११:०० वाजता श्री राम मंदिर आमगाव येथे आयोजित करण्यात आली. या आमसभेत अपेक्षित सदय कलावंत उपस्थित नसल्याने सभा तहकूब करण्यात आली व कोरम अभावी 1 तास सभा तहकूब करून ठीक 12.30 वाजता आमसभा सुरू करण्यात आली.

यावेळी या सभेत नवीन कार्यकारिणी गठित करण्यात आली. या मध्ये अध्यक्ष म्हणून शेखर पटले, उपाध्यक्ष प्रियंका गायधने, सचिव अंकुश पेटकर, कोषाध्यक्ष मंगल मशाखेत्री, कार्याध्यक्ष कीरपाल सयाम, सहसचिव उत्तम उके, प्रसिद्धी प्रमुख प्रणय देवगडे, जिल्हा उपाध्यक्ष चंद्रपूर विशाल बावणे, गडचिरोली अंबादास कांबळी, भंडारा राज बोधनकर, गोंदिया किशोर भाग्यवंत, सदस्य निशा धोंगडे चंद्रपूर, गिरीशचंद्र भूरें गडचिरोली, प्रतिभा साखरे भंडारा, चेतन वडगाये गोंदिया, मुख्य मार्गदर्शक पद्मश्री डॉ. परशुराम खुणे, देवेंद्र दोडके, के.आत्माराम, राजेश चिटनिस, डॉ. दिनकर चौधरी, डॉ.प्रवीण सहारे, वासु कुमार मेश्राम, यशवंत ढोरे यांची निवड करण्यात आली.

यावेळी या सभेत अनेक विषयांवर चर्चा करण्यात आली. संघटनेची पुढील सभा दिनांक ०८ सप्टेंबर २०२४ रोजी आयोजित करण्यात आली आहे.